भांगरभूंय | प्रतिनिधी
सुटयेंत शिबिरांनी वचप म्हणल्यार करियर घटमुट करप. तुमी चुकनासतना ट्युशनाक वतात, तशेच सुटी लागतकच शाळा वा हेर संस्थांच्या शिबिरांक वचपाक जाय. चडश्या भुरग्यांक दिवाळेची, नातलांची, मे म्हयन्यांची सुटी मेळटा. ताचो उपेग तुमी तुमकां आवडटा तें शिकपाक करपाक जाय. ताचो केन्ना ना केन्ना फायदो जाताच. दिसाळ्यांनी, सोशल मिडियाचेर हाची म्हायती मेळटाच. कांय शिबिरां आॅनलायनूय आसतात. मडगांव, पणजे सारक्या शारांनी तर शिबिराचो पावस पडटा, अशें म्हणू येता. हांव मुद्दाम तुमकां मडगांव शाराचें उदाहरण दितां. थंय सुटयेंतलीं शिबिरां खंय आसतात, केन्ना आसतात, तातूंत कितें शिकयतात, ताची म्हायती घेवन तुमकां जाय त्या शिबिराक वचपाक मेळटलें.
शाळांनी शिक्षकांक विद्यार्थ्यांक खूब कितें शिकोवपाची इत्सा आसता, पूण तीं चड शिकोवपाक शकनात. ताकाच लागून अश्या शिबिरांचें म्हत्व वाडटा. तुमचे आवडीचें शिकप आनी तेंय मेकळ्या वातावरणांत. नव्यो वळखी जातात. तुमकां जाय तशें खेळपाक मेळटा. तुमचें व्यक्तीमत्व सुदारता. मडगांवाचेच उदाहरण मुद्दाम दितां. थंय जायतीं शिबिरां जावपाक लागल्यांत. खेरीज कांय शाळा लेगीत अशी शिबिरां आयोजीत करता. कांय विद्यार्थ्यांक हाचीं म्हायती आसता, पूण बऱ्याच विद्यार्थ्यांक ती नासता.
मडगांवां प्रशांत मिशाळ आनी पल्लवी मक्तेदार हांणी शिबिरां आखल्यांत. वेगळे वेगळे विशय तयार करून ते प्रमाण काम केलें. तांकां बरो प्रतिसाद मेळ्ळो. तांकां पालकांनी, विद्यार्थ्यांनी सुचयलें की असलीं शिबिरां हेर कडेनूय घेयात. ते मतींत घेवन तांणी फोंडें, दिवचले, म्हापशें अशा जाग्याचेरुय शिबिरां सुरू केलीं. तांकांय बरो प्रतिसाद मेळ्ळो. तांणी दरेका केंद्राचेर प्रशिक्षीत शिक्षक, शिक्षिका मेळटली असो विचार केलो. तांकां संद दिली.
तुमकां शिबिरांतल्या गजालींतलो जिणेंत केन्ना ना केन्ना उपेग जातलोच. करियरांतूय मजत जावं येता. 365 क्लब ह्या नांवान तांणी सुरु केल्लीं ही शिबिरां मडगांवां पुरतींच मर्यादीत दवरिनासतना हेर कडेनूय तांणी व्हेलीं. सगल्यांकूच मडगांवां येवपाक जमना, तांचे खातीर हेर कडेन जावपी शिबिरां फायद्याचें. तांकां सगल्याक वचप शक्य ना. कारण जागो मेळना. पूण फुडाराक शाळां कडेन कबलात करून थंय वचपाचो विचार आसा. मात, सुटये पुरतेंच शिबीर दवरल्यार ताचें लुकसाण विद्यार्थ्यांक जावं येता. कांय शाळांनी धावेचे वर्ग सुरू आसतात. सगले शिक्षक ह्या कामांत व्यस्त आसतात. हाका लागून इत्सा आसूनय ते शिबीर घेवपाक शकनात. म्हूण आमी कायम स्वरुपी केंद्रा सुरू करपाचें मनार घेतले, अशें प्रशांत आनी पल्लवी हांणी सांगलें.
भुरग्यांक बऱ्यो संवयी लागपाक हीच पिराय बरी आसता. खरें तर भुरग्यांक शिबिराचें म्हत्व पयलींच कळत जाल्यार बरें जातलें. खंयची सर्त आसल्यार ते विशीं पयलींच कळत जाल्यार ताची तयारी करपाक मेळटा. सुटयेंत तांकां शाळेची परवानगी घेवची गरज पडना. आमी आमच्या शिक्षकांक बरे प्रशिक्षीत करतात. वेगळ्यो वेगळ्यो गजाली शिबिरांत हाडटात. कारण ताचो फायदो विद्यार्थ्यांक जावचो, अशें प्रशांत हांणी सांगलें.
जांकां ह्या शिबिरांत वांटो घेवपाचो आसा वा शिबिरांत भुरग्यांक शिकोवपाचें आसा, तांणी मुजरत तांकां 91797 2847513 ह्या क्रमांकाचेर फोन करचो वा तांचे www.habits365club.com हे वेबसायटीक भेट दिवची.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
