भांगरभूंय | प्रतिनिधी
जतः महाराष्ट्र विधानसभा वेंचणूक प्रचारा खातीर जत विधानसभा मतदारसंघांत म्हायुतीचे उमेदवार गोपिचंद पाडलकर हांच्या प्रचारा खातीर गोंयचे मुख्यमंत्री डॉ. प्रमोद सावंत हांची प्रचारसभा घेतली. तशेंच जत मतदारसंघांतले दोतोर आनी सगल्या घटका कडेन तांणी संवाद सादलो.
प्रधानमंत्री नरेंद्र मोदी हांच्या फुडारपणा खाला डबल इंजीन सरकारान आयुषमान भारत येवजण लागू केल्या. महाराष्ट्रांत फुले भलायकी येवजणे वरवीं ताचो विस्तार करून आयुषमान सयत तिची अंमलबजावणी करून महाराष्ट्रांतल्या सगल्या कुटुंबांक वर्सुकी 5 लाखा मेरेन भलायकी सुरक्षा दिल्या.
महाराष्ट्रांतली 70 वर्सां पिराये वयलीं दरेक व्यक्ती आतां आयुषमान भारत जेवजणे खाला आयल्या. महृाराष्ट्रांत 2.88 कोटी रजिस्टर्ड आयुषमान कार्डधारक आसात. 11,177 आयुषमान भलायकी केंद्रां आसात. 702 जन वखदी केंद्रां आसात. तशेंच जत हो शिमे वाठारांतलो आसपी म्हाल आतां निमाणो न्हय जाल्यार पयलो म्हाल म्हूण पळयताले. ह्या म्हालांत उदरगतीची प्रक्रिया चालीक जत मतदारसंघांत लावन सर्वांगी उदरगत करपाची म्हायुतीची भुमिका आसा.
कृष्णा कोयना शिंपणावळ येवजण आनी विस्तारीत म्हैसाळ शिंपणावळ येवजणे खातीर हजारांनी कोटींचो निधी उपलब्ध करून जत म्हालांतल्या 64 गांवांतल्या दुकळाक फुडारांत बदलपाचें काम म्हायुती सरकार करता. शिंपणावळ येवजणेक सौरउर्जा दिवपी राज्यांतलो पयलो सौरउर्जा प्रकल्प म्हायुती सरकारान म्हैसाळ म्हालांत उबारला. ते वरवीं जत म्हालाची सर्वांगी उदरगत जावपाक मजत जातली, अशें डॉ. प्रमोद सावंत हांणी गोपिचंद पाडलकर हांच्या प्रचारा वेळार सभेंत सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
