भांगरभूंय | प्रतिनिधी
फाटल्या सप्तकांत “वंडर्स ऑफ युरोपथी” पुस्तकाची म्हायती वाचप्यांक मेळ्ळी. म्हायतीच्या जाळांतय चकचकीत कवरांतलीं पुस्तकांय विकतीं मेळप, तीं छापप सवाय जालां आसत व्हय? पुस्तक प्रकाशनाच्या वेवसायांत हजारांनी येतात, काल आयिल्ले फाल्यां जापोय दिनात. खबर चुकल्यार, लिखाणांत चुको जाल्यार सांगपीय उणें जाल्यात. विश्वकोशांची बांदावळ आतां विज्ञानाच्या फुडारांतल्या विचारांनी जाता. ताचो अर्थ पयलींच्या कोशकारांक विसरुन वचप व्हय? तांकां बराबर घेवनच कोंकणी भाशेंतल्यान नव्या विश्वकोशाची मांडणी करप समा जातलें.
म्हायतीचें जाळ व्हड जातना “शिवांबू” चो इतिहास कित्याक सांगप? इतिहासाचीं पानां उगतीं करतना एखादरे शिवांबू विशयाचेर पुस्तकां, खबरांचो कोयर मेळटलो. कोयरांत भांगर सोदपी, हात घालपी कितले आसात? भारतीय संविधानाच्या अमृतोत्सवी वर्सांत शिवराक जेवणाक म्हत्व येवपाक लागलां. शिवांबूची काणीय शिवराकांत मोडपी आसतली. भिवपाची गरज ना शिवराक, बाप्पा शिवराकांचो आंकडो वाडत आसा.
जल्माक येवन दुसऱ्यांक कितें तरी दिवपाचे, दुसऱ्याचो विश्वास जोडपाचे ते दीस परत येवचेनात. त्या दिसांची याद आर्टिफिशल इंटेलिजन्सच्या दिसांनी वाऱ्यार घाल्यार? देड हजाराचीं साडेसातशें आनी साडेसातशेंचीं चारशें उतरां जाल्यार? कातर लावपाचो वावर उणो जातलो. वंडर्स ऑफ युरोपथीच्यो काणयो डॉ. जी. के. ठक्कर हाणीं ओंठार घोळपी अजरंवर पदांतल्या उतरांनी, शेर शायरींतल्यान सांगल्यात. तांचें इ पुस्तक तुमकां वाचूंक मेळचें ना अशें न्हय पूण छापिल्ल्या पुस्तकाची समीक्षाच चड मेळटली. समीक्षेचे साधक ( ध्यान
करपी) युरोपथी सोदपीय मोलादिक आसतात.
शिवांबू (मूत, स्वमूत्र, दुसऱ्याचें मूत) साधना विदेशांत शिंपडपीय आसतले. अचूक उतरांतल्यान युरोपथी तुमचे मेरेन पावोवपी कितले आसात? युरोपथी फुडें व्हरप्यां मदीं तेन्ना भारतीय नौदळाचे आदले मुखेली एल रामदास, तांची घरकान्न ललीता हांचोय आसपाव आशिल्लो. ठक्कर हांच्या पुस्तकांत तांचे विशीं दोन उतरां आसात. युरोपथीचो मंत्र सुटके झुजाऱ्यांनी, राजभास चळवळींत आशिल्ल्यांनी दिल्लो. मंत्रां परस देखी दिवन डॉ. ठक्कर हांणी बरयल्लें पुस्तक वाचल्यार युरोपथी कशी करप, पथ कसलें पाळप ती म्हायती मेळटा.
भारताच्या प्रधानमंत्रीपदाचेर मोरारजी देसाय फकत दोन वर्सां आशिल्ले. तांच्या निर्णयाक आतां मोल नासत, पूण शिवांबू मंत्रा पासत ते यादींत उरतले. तांचे शिश्य डॉ. ठक्कर शिवांबू विशींच्या पुस्तकांतल्यान. निर्शेणेतल्यान जियेवप नाका जाल्ल्यांकय जीण कितली सोबीत आसा तें डाॅ.ठक्कर हाणीं पुस्तकांत सांगलां. “ जिंदगी खूबसूरत है हमें जीना नहीं आया नशा हर चीज में है हमें पीना नहीं आया.’’ सोरो सोडात तुमचे जिणेंत सोबीतकाय येतली, तुमची भलायकी बरी उरतली, कॅन्सर, टी बी वरी दुयेंसां जावचीं ना. ही ह्या शेर, शायरीची समिक्षा. ती शायरी, ते समिक्षेकच मातयेंत बुडोवपाचो वगत आयला, कळाव कित्याक? कविता, लेखनांतले नकारात्मक विचार सकारात्मक आसचे. कॅन्सराची भिरांकुळ स्थिती ना, संवसाराक सेवा दिवपी कॅन्सर सर्जनय गोंयांत येतात हें कोण सांगतलो? कॅन्सर सर्जन सर्जरी करुंक शकतात? 70-75 वर्सांचे पिरायेर हार्टअॅटक आयिल्ले दोतोर हार्टाचें ऑपरेशन करतात? करुंक शकतात? देस, राज्याच्या भलायकीमंत्र्यांनी प्रश्नाच्यो जापो दिल्यार लोकांक आत्मशक्ती मेळटली. ते खातीर भलायकीमंत्री दोतोर आसपाची गरज देस, राज्याच्या ना. तांकां दोतोरकी म्हळ्ळ्यार कितें ताची, दोतोरकेच्या मळाची जाणवीकाय, गिन्यान, शिक्षण आसप म्हत्वाचें.
मैं मगरुबे आबे हयात पीता हूँ
मैं उसे सुबह शाम पीता हूँ
क्या आप समझे मैं शराब पीता हूँ
जी नहीं, मैं पेशाब पीता हूँ
डॉ. ठक्कर हांची ही शेर शायरी. तांचे शायरी परस तांच्या पुस्तकांत युरोपथीचेर ताणीं जें कितें बरयलां, तातूंतले कण संवसारात पावोवपाचो हो यत्न.
स्वमूत्राचे घोंट घेतिल्ले, स्वमूत्र आंगांक लायिल्ले, दोळ्यांत स्वमूत्राचे थेंब घाल्ले वॉटर ऑफ लायफ फावंडेशनाचे लाखांनी वांगडी आसात. डिसेंबर १९८९ त त्या संस्थापनाची स्थापना डॉ. ठक्कर हाणीं केल्ली. तांचो जोश अमेरिकेंत व्हरपी दोतोर आसात. अमेरिकेंतय तांचीं व्याख्यानां जाल्लीं. वॉटस अॅप ना, लॅपटॉप ना तेदेवेळार वर दोन वरांचे कीर्तन, व्याख्यान सत सांगपी, अपसमज पयस करपी.
सुहासिनी प्रभुगांवकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
