भांगरभूंय | प्रतिनिधी
मुंबयः अजीत पवार गटाचे फुडारी बाबा सिद्दीकी हांचेर काल राती फारपेट जाली. निर्मल नगर वाठारांतल्या झीशन सिद्दीकीच्या कार्यालया भायर हो हल्लो जाल्ल्याची म्हायती मेळ्ळ्या. हल्लेखोरांनी बाबा सिद्दीकीचेर दोन ते तीन फेरयो गुळयो झाडल्यो. मजगतीं, ह्या हल्ल्यांत बाबा सिद्दीकी हांकां मरण आयलां. हल्लेखोरांनी केल्ल्या फारपेटींत बाबा सिद्दीकी हांच्या छातयेचेर गुळी लागली. ह्या हल्ल्या उपरांत रोखडेच तांकां लिलावती हॉस्पिटलांत दाखल केले. पूण उपचारा मजगतीं, तांकां मरण आयलें.
मेळिल्ले म्हायती प्रमाण ह्या हल्ल्यांत तांच्या एका सहकाऱ्याच्याय पांयाक गुळी लागल्या. काल रातच्या णव वरांचे सुमाराक हो हल्लो जालो. मजगतीं, एनसीपीचो फुडारी (अजीत पवार गट) ह्या हल्ल्या उपरांत हॉस्पिटलांत दाखल जाला. उपमुख्यमंत्री अजीत पवार हांणी लिलावती हॉस्पिटलाच्या दोतोराक फोन करून म्हायती मागल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
