भांगरभूंय | प्रतिनिधी
दोळे थकपा खातीर लॅपटॉप, मोबायल आनी टिव्हीक जापसालदार थारायतात. मात हें सत न्हय. वाचन, लेखन, शिवणकाम वा चड वेळ गाडी चलयल्यारूय दोळ्यांचेर परिणाम जाता. हाका लागून दोळे तांबडे जावप, खरजप वा तकली दुखपाच्यो समस्या निर्माण जातात. तज्ञांच्या मतान ह्यो समस्या तात्पुरत्यो आसात. मात, निश्काळजीपणा म्हारग थारपाक शकता. तांचीं कारणां सोदून उपाय जाणून घेवप म्हत्वाचें.
दोळ्यांचेर कित्याक ताण येता : रिझोनाच्या मेयो क्लिनिकांत नेत्ररोग विभागाचे सहायक प्रा. डॉ. डेव्ह पटेल हांणी सांगलें स्क्रीन पळयतना वा वाचतना लोक दोळे उणे पिटपिटायतात. ताका लागून ते सुके पडटात. म्हणून अस्पश्ट नदर, तोंपपाची संवेदना जाणवता.
२०- २०- २० नेम पाळात : तुमी जर बरोच वेळ लॅपटॉप, मोबायल पळयतात वा खंयचेंय पुस्तक वाचतात जाल्यार दर २० मिनटांनी ब्रेक घेयात. २० फूट तरी पयस पळयात. उण्यात उणे वीस सेकंद अशें करात.
लुब्रिकंटचो वापर : जर दोळे सुके दिसल्यार ‘प्रिझरर्व्हेटीव्ह फ्री’ कृत्रीम दुकां वापरल्यार मदत जावंक शकता अशें बर्कलेच्या कॅलिफोर्निया विद्यापिठांतल्या हर्बर्ट वर्थेम स्कूल ऑफ ऑप्टोमेट्री अँड व्हिजन सायन्सांतली क्लिनीकल प्राध्यापक मिका मॉय सांगता. संरक्षक पदार्थांक लागून दोळ्यांक चिडचिडे जावपाची भिरांत आसता.
थकिल्ल्या स्नायूंक लागून वक्लाचो त्रास जावपाक शकता. माउंट सिनाईचे न्यूयॉर्क आय अँड इअर इन्फर्मरीतील नेत्ररोगतज्ज्ञ डॉ. अवनीश देवभक्त हांणी सांगलें, सिलिअरी स्नायू थकिल्ल्यानूय ताण येवपाक शकता.ताका लागून दोळ्यांतल्या लेन्सचेर लक्ष केंद्रीत करपाक मजत जाता. वक्ल वा कॉन्टॅक्ट लेन्स वापरतना ताण जाणवता वा निमाणे दोळे तपासणेक एक वर्सा परस चड काळ जावन गेला जाल्यार रोखडीच दोळ्यांच्या दोतोरां कडल्यान तपासणी करून घेयात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
