भांगरभूंय | प्रतिनिधी
प्रियोळ: गांवठण प्रियोळच्या सरकारी मुळावे शाळेंत शारदोत्सव 21 ते 23 ऑक्टोबर मेरेन व्हड उमेदीन मनोवपाचें थारायलां. ह्या सुवाळ्यांत शेनवारा 21 ऑक्टोबराक सकाळीं 8.30 वरांचेर सरस्वती पुजन, दनपारां आरती, उपरांत सकाळीं 8.30 ते दनपारां 12 वरां मेरेन आंगणवाडी भुरग्यां खातीर आरती सर्त जातली. तशेंच पालकां खातीर फुलांहार तयार करप सर्त आयोजीत केल्या.
रातच्या 8 वरांचेर हनुमान मंडळ कोनेवाडो हांचे वतीन आरती जातली.
आयतार 22 ऑक्टोबराक सरस्वती मंडळा वतीन आरती, दनपारां 1 वरांचेर महाप्रसाद जातलो. रातच्या 8 वरांचेर बेताळ सांतेरी मंडळ हांचे वतीन भजन सरस्वती क्लबा वतीन आरती जातली.
सोमार 23 ऑक्टोबराक सकाळीं 9 वरांचेर आंगणवाडी तशेंच पयली ते चौथी भुरग्यां खातीर वेशभुशा सर्त आयोजीत केल्या. रातच्या 7 वरांचेर झरेश्वर मंडळ झरीवाडो हांचे वतीन आरती आनी फळांची पावणी जातली. उपरांत रातच्या 8 वरांचेर दिंडी मिरवणुकेन शारदेची विसर्जन मिरवणूक काडटले. तरी ह्या कार्यावळीक सगल्यांनी हाजीर रावन श्रींचो तीर्थ प्रसादाचो लाव घेवचो अशें आवाहन सरकारी मुळावी शाळा उत्सव समितीन आवाहन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
