भांगरभूंय | प्रतिनिधी
रायबंदरचे रस्ते दुरूस्त करपाक आडखळपणजी : स्मार्ट सीटी खाला रायबंदर वाठारांत 12 क्रॉस ड्रेनींचें काम प्रलंबीत आसा. ह्या प्रलंंबीत कामांक लागून भौशीक बांदकाम खात्याक रस्त्यांची कामां पुराय करप शक्य जाय ना, अशी म्हायती अधिकाऱ्यां कडल्यान मेळ्ळी. मजगतीं, पणजेचे म्हापौर रोहीत मोन्सेरात हे बुधवारा रायबंदरच्या रस्त्यांची पळोवणी करतले.
स्मार्ट सीटीच्या कामांक लागून रायबंदरचे रस्ते पेड्ड्यार जाल्यात. नव्यान रस्ते केले आसले तरी पावसाक लागून फोंडकुला पडल्यात. तशेंच हॉट मिक्स वा फिनिशींग करूंक नाशिल्ल्यान गाडयो गेल्यो उपरांत सगळ्याक धुल्ल पातळटा. पणजे सावन रायबंदर मार्गान वचपी वाहनचालकांचे बरेच हाल जातात. पेड्ड्यार रस्त्यांक लागून बेजार जाल्ले रायबंदरचे नागरीक आयतारा रस्त्यार देंवले. 30 सप्टेंबर मेरेन रस्ते दुरूस्त केले ना जाल्यार रास्ता रोको आंदोलनाची शिटकावणी रायबंदरच्या नागरिकांनी दिल्या.
स्मार्ट सीटी खाला पणजेच्या हेर वाठारा सयत रायबंदर वाठारांतल्या रस्त्यां सयत गटारांचीं कामां जाली. अजून क्रॉस ड्रेनींचीं कामां पुराय जावपाची आसा. ही कामां पुराय करचे पयलीं रस्त्यांचेर हॉट मिक्स घालून तांचें फिनिशींग करप शक्य जावचे ना, अशी म्हायती अधिकाऱ्यांनी दिली.
रायबंदरच्या रस्त्यांच्या प्रस्नाचेर स्मार्ट सीटी तशेंच भौशीक बांदकाम खात्या कडेन हांव उलयला. क्रॉस ड्रेनीचीं कामां प्रलंबीत आशिल्ल्यान रस्ते दुरूस्त करपाक आडखळ येता. बुधवारा हांव रस्त्यांची पळोवणी करतलो. रायबंदरच्या रस्त्यांच्या स्थितीक स्मार्ट सीटी जापसालदार आसा. पणजी म्हापालिका कितेच करपाक शकना, अशें पणजेचे म्हापौर रोहीत मोन्सेरात हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
