भांगरभूंय | प्रतिनिधी
संवसारभर गोडेंमूत जावपाचें प्रमाण वाडत आसा. आंतरराष्ट्रीय डायबेटीस फेडरेशनाच्या अहवाला प्रमाण, दर 4 प्रौढांतल्या 3 जाणांक गोडेंमूत आसा अशें दिसून आयलां. हालींसराक हें दुयेंस भुरग्यां सावन जाण्ट्या मेरेन आसा हें दिसता. साकर नियंत्रीत दवरपा खातीर रगतांतली साकर नियंत्रणांत दवरप गरजेचें अशें तज्ञ म्हणटात.
रगतांतली साकर नियंत्रणांत दवरपा खातीर नेमान व्यायाम, समतोल आहार आनी दोतोरान सांगिल्लीं वखदां वेळार घेवप गरजेचें. रगतांतली साकर वाडटा तेन्ना जायत्यो समस्या निर्माण जातात. हाचे खातीर कितली साकर आसप सामान्य हें जाणून घेवप म्हत्वाचें.
साकरेची सामान्य पातळी कितली?
दोतोरांच्या म्हणण्या प्रमाण साकरेची उणी पातळी 180 mg/dl आनी चडांत चड 250 mg/dl आसपाक जाय. 250 mg/dl परस चड साकर आसली तर ती वाडिल्ली मानतात. साकर पातळी 300mg/dh परस चड वाडली जाल्यार ती साकर शॉट अशें म्हण्टात. साकर 300mg/dl चे पातळे परस चड जाल्यार ती खूब धोक्याची मानतात. ताचे परस तातूंतल्या कांय जाणांची साकर 600mg/dl परस चड आसता जी भलायके खातीर धोक्याची मानतात. हे स्थितीक हायपरग्लाइसेमिक हायपरोस्मोलर नॉनकेटोटिक सिंड्रोम (HHNS) अशें म्हण्टात.
साकर चड जावपाचीं लक्षणां..
चड तान लागप, कुडीक खाज येवप, नदर दुबळी जावप, तकली दुखप आनी वारंवार थकवो येवप, तोंड सुकप, परत परत मुतपाक जावप अशीं लक्षणां दिसल्यार गोडेंमूत चांचणी वेळार करप गरजेचें आसा.
गोडेंमूत दुयेंती भारतांत चड
दक्षीण पॅसिफीक राश्ट्रांत गोडेंमूत जावपाचें प्रमाण चड आसा आनी संवसारीक आंकडेवारीच्या तुळेंत तें मध्यम पांवड्यार आसा. दक्षीणांत आशिया आनी भारतांत गोडेंमूत जावपाचें प्रमाण 68 टक्के आसा. 2045 मेरेन हो आंकडो 152 मिलियन मेरेन वाडटलो असो अदमास आंतरराष्ट्रीय डायबेटीस फेडरेशन काडला.
हाका लागून धोको वाडटा
कुटुंबात पयलीं सावन गोंडेमूत दुयेंती आसल्यार, चड वजन, वायट आहार, शारिरीक निश्क्रीयताय, पिराय वाडप, उच्च गरतदाब, वांशिकता, अशक्त ग्लुकोज सोंशिकताय (Impaired glucose tolerance), गर्भधारणेच्या काळांत गोडेंमूत जावपाचो इतिहास, गुरवारपणांत वायट पोशण.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
