भांगरभूंय | प्रतिनिधी
नवी दिल्ली, खबरां संस्था ः 1 सप्टेंबर सावन गिरायकांक मोबायल फोनाचेर बँको, अर्थीक संस्था, ई-कॉमर्स कंपनीं कडल्यान सेवा आनी वेव्हाराचे संदेश मेळोवपाक अडचणी येवंक शकतात. स्पॅम, फिशिंग, फटवणुकीचे यत्न उणे करपाच्या हेतान हो निर्णय घेतला आनी भारतीय दूरसंचार नियामक प्राधिकरण (Trai) कडल्यान निर्देशाचे पालन जातले.
ट्रायान दूरसंचार कंपनींक जें टेल्कोच्या (telcos) वळेरेंत वा नोंदणी केल्लें नात अशें युआरएल, ओटीटी लिंक्स, एपीकेएस (Android application packages) वा कॉल-बॅक क्रमांक आशिल्ले संदेश धाडपाक निर्देश दिल्यात. म्हळ्यार बँकांनी, अर्थीक संस्थांनी, ऑनलायन प्लॅटफॉर्मांनी 31 ऑगस्ट मेरेन आपले संदेश टेम्पलेट आनी कंटेन्ट ऑपरेटरां कडेन नोंद करप गरजेचें आसा. जर तुमी अशें करूंक ना जाल्यार तांणी धाडिल्ले संदेश ब्लॉक करतलें.
सध्या बँको, अर्थीक संस्था, ई-कॉमर्स कंपनी आपले हेडर आनी टेम्पलेट टेल्को कडेन नोंद करतात, पूण संदेशांतलो कंटेन्ट न्हय. हाचो अर्थ ऑपरेटर प्रसारीत संदेशांचो कंटेन्ट तपासनात. पूण, फुडल्या म्हयन्या सावन तज्ञांच्या म्हणण्या प्रमाण दूरसंचार कंपनींनी वेवसायीक संदेशांचो मजकूर वाचपाची आनी तांच्या रेकॉर्डां कडेन जुळनाशिल्ल्या संदेशांक ब्लॉक करपा खातीर एक यंत्रणा तयार करतलें. भारतांत दर दिसा 1.5 ते 1.7 अब्ज वेवसायीक संदेश मोबायलाचेर धाडटात, देखून म्हयन्याक वट्ट सुमार 55 अब्ज संदेश आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
