भांगरभूंय | प्रतिनिधी
हालींच अस्तंत बंगालांतले घडणुके खातीर देशांतले दोतोर संपाचेर गेल्ले. आपले सुरक्षेचो प्रस्ना खातीर. पूण खंयच्याय दादल्याक वा बायलेक जर स्वताची राखण कशी करप, हाचें गिन्यान मेळिल्लें जाल्यार तांचे वयले अत्याचार खूब उणें जावं शकतात. गोंयचे मुख्यमंत्री मानादीक प्रमोदबाब सावंत हे स्वता दोतोर आशिल्ल्या कारणान तांणी एक हेल्पलायन उक्ती केल्या. तिचो नंबर जावन आसा, 93193 34335. ताचे पयलीं तांणी बायलांक मजत करपी एक पुलीस पंगड नेमिल्लो. हे यत्न बरे आसले तरी आपणे स्वताची राखण शस्त्रा बगर करपाक शिक्षण घेवपाक जाय. हाका वेळ लागना. हें सगलें आॅनलायन शिकोवपाक केरळांतले साबू तयार आसात. सध्या ते देशाभायर नोकरी करतात, पूण आमच्या भावा, भयणींनी ह्या अभ्यासाचो जरुर विचार करचो अशें तांचें म्हणणें.
कराटेचें अस्सल शिक्षण तुमकां जपान, चीनाक बी मेळटा, पूण हें सगल्यांक झेपता अशें ना. ताचें तात्रिक शिक्षण घेतकच तुमकां आनंद मेळूं शकता. आत्मविस्वास येवं येता. 10 डेन ग्रॅण्ड मास्टर मेरेन शिकूं येता. पूण ह्या शिक्षणांत तुमकां शिस्त आनी एकाग्रता जाय. ती शिकपाक मेळटा. तायक्वांदो, ज्युडो, वुस्तू, कुराश जुजुत्सू, किक बाॅक्सिंग, एकिडो, हेडकिडो अशे जायते प्रकार तुमी आयकल्या आसतले. पूण कराटे हें ताचें आदलें नांव. आधुनिक कराटे भितर हातांनी केल्ले पंच आनी पांयांचो चड वापर जाता. तेराव्या शेंकड्यांनी चीनी लोकांनी हें तंत्र ओकिनावांत (जपान) व्हेलें. त्या वेळार थंय सामुराय राजवट आशिल्ली. जे तरसादीक परवानगी दिनाशिल्ले. तातूंतल्यान जपान आनी चीनाचे कले भितर फ्यूजन करून कराटे कला विकसीत केली. हातूंत शस्त्र ना. फक्त हाता, पायांचो वापर आसा. ताका कारा म्हणल्यार चीनी हात अशें अजूय म्हणटात. स्वताचें रक्षण करपी ही कला शिकोवपी खाजगी संस्था खूब आसात, पूण तांचो वेळ सगल्यांक परवडता अशें ना. खेरीज जे सुवातेर ती शिकयतात, थंय पावप कशें होय प्रस्न आसता. ताका लागून आॅनलायन शिकप बरें. ह्यो क्लासी सुरू करपाचें बाबून थारायलें. हाका पिरायेची वा शिक्षणाची कसलीच अट ना. चली वा चलो कोणूय ही कला शिकूं शकता. पयलीं कराटे सैन्या भितर लोकप्रीय आशिल्ली. मागीर सिनेमाक लागून ती संवसारभर पावली. झगडपाचो प्रसंग बायलांचेर येताच अशें ना. तो दादल्यांचेरु येवं शकता. हें शास्त्र तुमी शिकशात तर आत्मविस्वास वाडटलो. कराटेच्यो आतां सर्ती लेगीत जातात. गोंयांत जायते जाण कराटे शिकपाक वतात.
सैनिक जावं पुलीस हांकां हें शिकप चड गरजेचें. हाका मार्शल आर्टूय म्हणटात. हातूंत युनिफोर्म आसता, तशे बेल्ट आसता. जपानाच्या ओकोनावांतले शाळेंत 1905 सावन हें शिकप सुरू जालें. ताका इतली लोकप्रीयताय मेळ्ळी ती एका म्हयनाळ्यांत आयिल्ले खबरे उपरांत. एका परदेशी बाॅक्सरान थळाव्या बाॅक्सराक हारयलो अशी ती बातमी आसली. दोजो शाळेंत हें शिक्षण सैनिकां वांगडा सगले घेवपाक लागले. हाका आध्यात्मिक आंगूय आसा. 2020 वर्सा आॅलिम्पीकांतूय ताचो आस्पाव जालो. पुराय संवसारांत कराटे कलेचे 50 लाखां वयर अभ्यासक आसात. कांय जाणाच्या मतान तो एक कोटीं वयर आसा. ही कला मूळ चीनी. जपानीं लोकांनी चिंचो हात हें नांव बदलून रिकामो हात (कराटे) अशें केलें. कर म्हणजे हात. कर हो शब्द मूळ संस्कृता वयल्यान थंय गेला. इतिहास कितेंय आसूं, पूण ही कला आमकां आमची राखण करपाक शिकयता. ताचो आॅनलायन लाव जरूर घेवचो. संपर्का खातीर फोन 61420371459 (आखाती देश), साबू कराटे हांच्या नांवाची वेबसायटूय (https://sabukaratelessons.com) आसा. इत्सुकांनी मुद्दाम तिका भेट दिवची. कराटे शिकप आयज काळाची गरज जालां.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
