भांगरभूंय | प्रतिनिधी
फाटल्या वर्सा १ ऑगस्टाक स्टर्जन चंद्र दिशिल्लो. ३० ऑगस्टाक सुपर ब्लू मून पळोवपाक मेळ्ळो. अंदूं वट्ट चार सुपर मून दिसतले. आयज १९ ऑगस्टा उपरांत १७ सप्टेंबराक दुसरो सुपरमून दिसतलो अशें म्हणटात. सुपर ब्लू मुनाच्या वेळार चंद्राचेर ३०% चड उजवाड दिसता. म्हणल्यार तो १४% व्हडलो दिसता.
सुपर ब्लू मून म्हणल्यार कितें?
ब्लू मुनाचो निळ्या रंगाकडेन कांयच संबंद ना. तशेंच सुपरमून ही अधिकृत खगोलीय संज्ञा न्हय. चंद्राची कक्षा धर्तरेक सगळ्यांत लागीं हाडटा तेन्ना सुपरमून म्हळ्यार चंद्र व्हडलो आनी तेजस्वी दिसता. दर म्हयन्याक पुराय चंद्र दिसता मात ताका सुपर मून म्हणिनात. खगोलशास्त्रज्ञांच्या मतान, ‘ब्लू मून’ हो शब्द विशिश्ट काळांत जेन्ना खुबश्यो पुनव येतात तेन्ना वापरतात. ब्लू मुनाचे दोन प्रकार आसात. एका हंगामांतल्या चार सुपरमून चंद्रां मदलो तिसरा चंद्र ‘सीझनल ब्लू मून’ आसता. त्याच पंचांग म्हयन्यांत दुसरो पुराय चंद्र आसतनाच ब्लू मून येता. देखून ह्या वर्साचो निळो चंद्र हो चार हंगामांतली तिसरी पुनव.
सुपरमून केन्ना दिसता?
चंद्र धर्तरे भोंवतणी लांब वर्तुळाकार कक्षेंत घुंवता. चंद्र धर्तरेच्या सगळ्यांत लागींचो बिंदु पेरीगी आनी सगळ्यांत लांबायेचो बिंदु एपोगी जावन आसा. दर म्हयन्याक ह्या दोनूय बिंदू कडल्यान चंद्र वता. नासाच्या म्हणण्या प्रमाण, जेन्ना अमास वा पुनव येता आनी चंद्र धर्तरेच्या ९० टक्के लागीं येता तेन्ना तो सुपरमून जाता.
भारतांत सुपरमून केन्ना दिसतलो?
भारतांत सोमारा, १९ ऑगस्ट दिसा दनपरां २:२६ वरांचेर पुनव सुरू जातली. म्हणल्यार ब्लू मून अधिकृतपणान २:२६ वरांचेर येतलो. सोमारा रातीं तो तसोच दिसतलो. बर्या हवामानांत सुपरमून सहजपणान पळोवंक मेळटा. भारताच्या शेजारच्या देश पाकिस्तानांत आयज रातीं ११:२६ वरांचेर ब्लू मून दिसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
