भांगरभूंय | प्रतिनिधी
रांदचे कुडींत रांदपाक वापरिल्ल्या सगळ्या वस्तूंत वखदी गुणधर्म आसतात. रांदपांत सदांच वापरतात त्या काळ्या मिरयांनी (black pepper) जायते वखदी गुणधर्म आसात. ती खाल्यार वात आनी कफ बरो जाता. काळीं मिरयां खाल्यार भूक वाडटा, अन्न पचनाक मजत करता. यकृताची भलायकी बरी उरता. पोटांतले किडे मरतात. इतलेंच न्हय, तर दम्याचेरूय वखदी उपाय म्हणून काळें मिरें उपेगी पडटा. तशेंच ताचे कसलेच वायट परिणाम नात. तातूंत भरपूर वखदी गुणधर्म आसात.
काळ्या मिरयांचे फायदे…
१. तूपांत अर्दो चमचो काळीं मिरयांचो पिठो घालून दर दिसा सकाळीं आनी सांजवेळा ताचे सेवन केल्यार दोळ्यांची नदर बरी जाता.
२. चार ते पांच काळ्या मिरयांचे दाणे, 15 किशमिश तोंडांत घालून चाकचे. ताका लागून खोंकले पसून सुटका मेळटा. तशेंच म्होंवांत काळ्या मिरयांचो पिठो घालून ती तीन चार फावटी चाटली जाल्यारुय खोंकली थांबता.
३. काळीं मिरयां एक व्हडलें अँटीऑक्सिडंट. तीं अँटीबॅक्टेरिअलचे काम करता. मँगनीज, लोखण ह्या सारक्या पोशक तत्वांचो ती एक बरो स्रोत. कुडीचें काम बरे तरेन चालू दवरपाक मजत करता.
४. गॅसा उपरांत पोट फुगल्यार काळी मिरीं खावची. हाका लागून गॅसची समस्या सुटावी जाता.
५. काळी मिरयां उज्यांत भाजून तांतूतल्यान येवपी धुंवर नाकांतल्यान कुडीत व्हरचो. हाका लागून तकली दुखप थांबता. उचकीय थांबता.
६. 20 ग्राम काळी मिरी, 10 ग्राम जिरें आनी 15 ग्राम साकर घेवन ते मिक्स करचे. उपरांत ते उदकांत घालून सकाळीं आनी सांजवेळार पियेवचें. मूळव्याधापसून (piles) आराम मेळटा.
७. धवें मिरें दोळ्यांक आनी कपलाक उपेगी मानतात. पिठांत देसी तूप घालचें. तातूंत थोडी साकर घालून तातूंत धवी काळ्या मिरयांचो पिठो घालचो. आनी सकाळीं तशेंच सांजवेळार ताचे सेवन करचे.
८. कातीचेर फोड आयल्यार काळ्या मिरयांचेर थोडें उदक घालून फातराचेर घांसून घेवचें. उपरांत ते फोडाचेर लावचें.
९. काळी मिरी, हिंग, कापूर मिक्स करचें. मागीर ताचे ल्हान गुळे तयार करात. दर तीन वरांनी एक गुळो खाल्यार ओंकारी आनी मोडशी बंद जातली.
१०. थंडी जातकच काळ्या मिरयांचे चार – पांच बियो वांटून एक कप दुदांत गरम करून तें पियेवचें. सकाळीं आनी सांजवेळार हें दूद पियेल्यार सुशेग मेळटा.
११. एक चमच्या म्होंवांत दोन ते तीन बारीक काळी मिरयां आनी इल्लो हळदीचो पिठो घालून ते पियेवचें. हाका लागून कफ बरो जाता.
१२. काळी मिरी खाल्यार कुडीचो थकवो पयस जाता, गळो दुखप थारता.
१३. काळ्या मिरयांचो च्या पियेल्यार थंडी, खोंकली आनी व्हायरस संसर्ग हांचेपसून सुटका मेळटा. काळी मिरी पचनक्रियाय सुदारता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
