भांगरभूंय | प्रतिनिधी
तरणाटे पिळगेक बर्गर, पिझ्झा, पेस्ट्री वा केक सारकिल्ले फास्ट फूड, खाणां खावपाक आवडटात. हीं अल्ट्रा प्रोसेस्ड खाणां मानतात. प्रोसेस्ड आनी अल्ट्रा प्रोसेस्ड फूड्स रुचीक आसतात तीं एकदां खावपाक सुरवात केल्यार सवंय कशीच सुटना. वेसनूच लागता तांचें. पूण भलायकेचेर ताचो परिणाम जाता. देखून दोतोर अशा आहारांतल्यान पयस रावपाचो सल्लो दितात. अल्ट्रा प्रोसेस्ड फूड (processed food) खाल्यार 55 टक्के मोटसाणीची समस्या जावपाची शक्यताय वाडटा अशें राष्ट्रीय भलायकी संस्थेचो (National Institutes of Health) अहवाल सांगता. 41 टक्के स्लीप डिसऑर्डर, 40 टक्के टायप-2 गोडेंमूत आनी 20 टक्के डिप्रेशनाचो धोको आसता.
प्रोसेस्ड फुडाचो भलायकेचेर परिणाम
प्रोसेस्ड केल्ल्या खाणांत जायत्या प्रकारचे स्वीटनर्स, कलर्स, थिकनर्स आनी एडिक्टिव्स वापरतात. प्रोसेस्ड फूडाक लागून आंतकड्यांच्या सूक्ष्मजीवांचें असंतुलन जाता. हाका लागून दाह जावपाचोय धोको वाडटा. तशेंच प्रोसेस्ड फूड्स इटिंग डिसऑर्डर वाडयतात. हाका लागून ब्लोटिंग, डायरिया आनी पोट दुखप सारकिल्ले त्रास जातात. तशेंच प्रोसेस्ड फूड्साक लागून मेंदवाच्या कार्याचेर व्हड वायट परिणाम जाता.
१. गोडेंमूत जावपाचो धोको वाडटा
प्रोसेस्ड फूडांत चरबी आनी साकर चड प्रमाणांत आसता, ताचो भलायकेचेर व्हड परिणाम जाता. एका अहवाला प्रमाण जे लोक आपल्या आहारांतले 22% मेरेन प्रोसेस्ड फूड्स खातात तांकां गोडेंमूत जावपाचो धोको चड आसता. नॅशनल लायब्ररी ऑफ मेडिसीनाच्या अहवाला प्रमाण सप्तकांतल्यान 2-3 फावटीं जंक फूड खावपी लोकांक इन्सुलिन रेजिस्टेंसाचो धोको वाडटा.
२. वजन वाडप
हाय शुगर, चरबी आनी कार्ब्स चड आशिल्ले प्रोसेस्ड फूड्स खाल्यार कुडींत कॅलरीज वाडटात, जाका लागून मोटसाणाचो धोको वाडटा. रिफांईड कार्ब्स, एडिड शुगर आनी ट्रांस तशेंच सॅचुरेडिट फॅट्सच्या हांचो चड वापर केल्यार हार्मोनल असंतुलन वाडटा. हाका लागून कुडींत आळस आनी वजन वाडपाची समस्या वाडटा. दर दिसा प्रोसेस्ड फूड खाल्यार लायफस्टायल डिसऑर्डर सारकिल्ली समस्या निर्माण जावंक शकता.
३. काळजाचो आताक येवपाची समस्या
प्रोसेस्ड फूडांतली चड चरबी कुडींत कार्डियोवस्कुलर सारकिल्ली समस्या वाडयता. फूड एडिक्टिव्साक लागून कुडींत वायट कोलेस्टेरॉलाची पातळी वाडटा. आनी काळजाचो आताक, आघात, उच्च रगतदाब अशे धोको वाडटा. 10 वर्सां मेरेन दिसाक चार जेवणांत प्रोसेस्ड फूडचो वापर केल्ल्यान 20 हजार लोकां मदल्या 62 टक्के लोकांक काळजाचे त्रास जातात अशें हार्वर्ड हेल्थच्या अहवालांत दिसून आयलां.
४. कितेंय खावपाची इत्सा जावप
प्रोसेस्ड फूड्सांत अस्वस्थ अनहेल्दी फॅट्स, साकर, तेल, रसायनां आनी मीठ चड प्रमाणांत आसता. देखून खाल्ल्य उपरांत लेगीत भूक लागता. परत परत कितेंय खावपाची इत्सा जाता जाका इटिंग डिसऑर्डर अशें म्हण्टात. ताचो शारिरीक आनी मानसीक भलायकेचेरूय परिणाम जाता.
५. मेटाबॉलिज्मचेर परिणाम
कार्ब्स खाल्यार कुडींतली कॅलरीज वाडटा. ताका लागून डायजेशन वीक, ब्लोटिंग, पोटांत दुखप आनी एसिडीटीचो त्रास वाडटा. शुगर एडिड ड्रिंक, व्हायट ब्रेड और चिप्स एंड वेफर्स खाल्यार पचनाचेर व्हड परिणाम जावंक शकता. कुडींत बॅक्टेरियाची पातळी वाडल्यार गॅस्ट्रोइंटेस्टाइनल समस्या निर्माण जावंक शकतात.
६. कातीची समस्या
शुगरी, ऑयली आनी रिफांयड कार्ब्स खाल्यार कातीचेर सीबम सिक्रीशन वाडटा. तेलकट कातीची समस्या वाडटा. दर दिसा प्रोसेस्ड फूड खाल्यार कातींत सुरवातीच्या काळांत जाण्टेपण येवपाचीं लक्षणां दिसूंक लागतात देखून आमी ल्हान पिरायेचेर जाण्टे दिसूंक लागतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
