भांगरभूंय | प्रतिनिधी
हालींच्या चुकीचे खावपाचे संवयेक लागून लोकांक जायतीं दुयेंसां जातात. लोकांक यकृत संबंदीत (लिव्हर) समस्यांक तोंड दिवचें पडटा. तज्ञांच्या म्हणण्या प्रमाण सोरो, जंक फूड आनी प्रदुशणाक लागून लोकांच्या यकृताचेर वायट परिणाम जावपाक लागला. यकृत कुडीक डिटॉक्स करपाचें काम करता.
निरोगी रावपाक जाय जाल्यार यकृताची जतनाय घेवप गरजेचें. तें निरोगी ना जाल्यार तुमकां भलायकेचे त्रास जावपाक शकता. यकृत निरोगी दवरपाखातीर आयुर्वेदाचोय खूब फायदो जाता.
तेफळां
तेफळांनी मैरोबलन, बहेडा, आवळो सारकिल्ल्या गजालींचो आस्पाव जाता. यकृत निवळ करपाक त्यो खूब फायदेशीर मानतात. तेफळांचो पिठो खाल्यार कोठ्याची पिडा (बद्धकोश्ठता), गॅस आनी अपचन अशा समस्यां पसून सुटका मेळटा. रातच्या वेळार हुळहुळीत उदकांत थोडो पिठो घालून तें उदक पिवचें.
तुळस
तुळशींत अँटीव्हायरल आनी अँटीऑक्सिडेंट गुणधर्म आसतात जे बॅक्टेरिया वाडपाक दिनात. यकृत डिटॉक्स करपाक आदार करता. तुळशीचीं ताजीं पानां खावपाक वा ताचो रोस काडून पियेवंक मेळटा. हाचे भायर तुळशीची च्या पियेवंक शकतात.
हळद
हळद यकृत डिटॉक्स करपाक मजत करता. तातूंत कर्क्यूमिन नांवाचें संयुग आसता, जें भलायके खातीर खूब फायदेशीर. बुरशीं विरोधी भरपूर गुणधर्म आशिल्ली हळद यकृत डिटॉक्स करपाक आनी सूज उणी करपाक फायदेशीर आसता. तुमी हळदीचें उदक वा दूद पियेवंक शकतात. हळदींतले अँटी-बॅक्टेरियल गुणधर्म रोगप्रतिकार शक्तय वाडटा.
गुळवेल
आयुर्वेदांत गुलवेलाचो म्हत्वाचो वांटो आसा. गोडेंमूत जाल्ल्या दुयेंतींक गुळवेल खूब फायदेशीर थारता. हे वनस्पतींत दाहक विरोधी आनी अँटीऑक्सिडेंट गुणधर्मूय आसतात. यकृत निवळ करपा वांगडाच विखारी पदार्थ काडून उडपाक मजत करता. गुळवेलीचो रोस पियेल्यारय यकृत निरोगी उरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
