भांगरभूंय | प्रतिनिधी
लंडन, खबरां संस्था: ब्रिटनांतले एका वर्साचे चलयेक काळजाचो आताक आयिल्ल्यान तें जिवा कडेन झुजता. ते चलयेचें नांव ब्रिटीक्स जावन आसा. दोतोरांच्या म्हणण्या प्रमाण, हे चलयेक कार्डिअक अरेस्ट येवन गेला. हाका मायोकार्डिटिस अशें म्हणटात. शरीरांतले उणे प्रतिक्रारशक्तीक लागून काळजाचे स्नायू सुजतात तेन्ना अशी परिस्थिती निर्माण जाता. तज्ञांच्या म्हणण्या प्रमाण, मायोकार्डिटिस व्हायरल इन्फेक्शन आनी ऑटोइम्युन डिसऑर्डर सारकिल्ल्या परिस्थितींक लागून गंभीर समस्या निर्माण जातात.
ब्रिटिक्सचे आवयन दिल्ले म्हायती प्रमाण, जुनांत तिच्या हेर चार भावंडां वांगडा तिकाय पोटांत दुखपाक लागलें. मात ताचे उपरांत हेर भावंडांक बरें दिसलें पूण ब्रिटीक्साक ओकारी, जोर आनी भूक उणी जावप अशीं बारीक सारीक दुयेंसां लागू जालीं. मागीर तिणें जेवण सोडलें, तें रडत रावपाक लागलें आनी आपलो कान ओडपाक लागलें. जायते दीस गेले पूण ब्रिटीक्साचे भलायकेंत कसलीच सुदारणा जावंक ना. ताचे उपरांत ताच्या तोंडार आनी हात- पांयांचेर सुज येवपाक लागली. इतलेंच न्हय तर मुतपाकूय त्रास जावपाक लागले. उपरांत चलये वांगडा कितें तरी गंभीर घडटा हें लक्षांत आयलें. मागीर ताका हॉस्पिटलांत दाखल केलें, अशी म्हायती तिणें दिली.
रिपोटर्स आयले उपरांत कळ्ळें ते सानुले चलयेक मायोकार्डिटिसचें दुयेंस लागू जालां म्हणून. हातूंत तुमच्या काळजाची रगत पंप करपाची तांक उणी जाता.
काळजाक सूज येवप
ज्या दिसा ताका हॉस्पिटलांत हाडलें त्याच दिसा स मिनटांनी ताका हार्ट अटॅक आयलो. तीन वरां उपचार केल्या उपरांत तें स्टेबल जालें. उपरांत त्या सानुल्याच्यो कांय जॅनेटीक तपासण्यो जाल्यो. वखदां तिका सुरू केलीं.
मायोकार्डिटिस शरीरांत दिसपाचीं लक्षणां:
मुखामळाचो रंग बदलप
काळीज वा काळजाच्या स्नायूंत सूज आसल्यार, तुमच्या मुखामळावेल्या रक्तप्रवाहाचेरूय परिणाम जाता. हाका लागून तुमच्या मुखामळाचो रंग बदलता. रंग काळो पडपाक शकता. जर तुमच्या मुखामळाचो रंग चडूच काळो, तांबडो जाल्यार हाचे कडेन आडनदर करूं नाकात.
मुखामळार सूज येवप
मुखामळार सूज येवप हेंय काळजाच्या स्नायूंत मळमळपाचें लक्षण आसूं येता. हे परिस्थिती कडेन आडनदर करची न्हय.
दोळे तांबडे जावप
दोळे तांबडे पडप हें दीर्घकाळ तिगून उरप सामान्य आसता. हें काळजांत सूज येवपाचेंय एक कारण आसपाक शकता. जर तुमचे दोळे चड काळे, तांबडे जातात जाल्यार ताचे कडेन आडनदर करूं नाकात. बेगीनूच दोतोराचो सल्लो घेवचो.
चड घाम येवप
मुखामळार चड घाम येवप हेंय काळजाच्या दुयेंसाचें एक कारण आसूं येता. हे परिस्थितींत, दोतोरांचो सल्लो आनी तपासणी करप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
