भांगरभूंय | प्रतिनिधी
कर्नाटक, खबरां संस्था: कर्नाटक सरकारच्या नव्या उद्देगीक विधेयकाक विरोध जावपाक सुरवात जाल्या. कंपनींक वेवस्थापनाच्यो ५०% आनी बिगर वेवस्थापनाच्यो ७५% नोकर्यो थळाव्या लोकांक दिवच्यो पडटल्यो. मात ह्या विधेयकाक विरोध जाले उपरांत सरकारान तें पुनरावलोकना खातीर स्थगीत केलें. देशाचें टेक्नोलॉजी हब बंगळुरुंत आसा. हांगा शेंकड्यांनी स्टार्टअप आनी व्हड विदेशी कंपन्यो म्हळ्यार वॉलमार्ट आनी अल्फाबेटाची गूगल कंपनी आसा. आयटी दिग्गज इन्फोसिस आनी विप्रोय आसा. नॅशनल असोसिएशन ऑफ सॉफ्टवेअर अँड सर्व्हिस कंपनीजान (नॅसकॉम) कर्नाटक सरकाराक हें विधेयक रद्द करपाची मागणी केल्या. नाजाल्यार हांगाच्यो कंपनी हेर राज्यांत वतल्यो, असो दावो तांणी केला.
कर्नाटक : २० लाख कोटींच्या आयटी मळार जातलो परिणाम, राज्य जीडीपीत भागीदारी ४३ टक्के
ह्या कायद्याचो १५ लाख कर्मचारी आशिल्ल्या २०.४८ लाख कोटी रुपयांच्या बंगळुरू आयटी उद्देगाचेर परिणाम जवपाक शकता. कारण थंय काम करपी चडशे लोक कन्नडीग नात. राज्य सरकाराच्या आंकड्यां प्रमाण, कर्नाटकाचे अर्थवेवस्थेंत बंगळुरू शाराचो वांटो ४३.८६% आसा. २०२२-२३ च्या अर्थसंकल्पांत सादर केल्ल्या राज्याच्या वित्त विभागाच्या अदमासा प्रमाण राष्ट्रीय जीडीपींत कर्नाटकाचें योगदान ७% आसा. तज्ज्ञांच्या मतान विधेयकांतल्या निर्बंधांचो परिणाम पांच वर्सांनी ट्रिलियन डॉलरच्या अर्थवेवस्थेच्या राज्य सरकाराच्या येवजण्यांचेर जावपाक शकता. हाचें कारण, देशाक फुडलीं दोन-तीन वर्सां इकोनॉमीच्या विस्तारा खातीर १० लाख हायटेक इंजीनियरची गरज आसा. इंडस्ट्रींतल्यान भायर सरपी ह्या नव्या इंजीनियरांची गरज फकत २५ टक्केच पुराय करपाक शकता. गुणवत्तेचो उणाव आशिल्ल्यान टाटांत उच्च तंत्रज्ञान अभियंत्यांची ८० हजार, एलअँडटींत २० हजार पदां रितीं आसात.
हरियाणांतूय अशें विधेयक हाडिल्लें
कर्नाटकाच्या जीडीपींत तंत्रज्ञान मळाचें योगदान २५% आसा. देशाच्यो २५% डिजिटल प्रतिभा, ११,००० परस चड स्टार्टअप आनी वट्ट ग्लोबल कॅपेबिलिटी सेंटर्स (जीसीसी)चो ३०%आसपाव आसा. नवो कायदो चालीक लायतकच व्हड कंपन्यांक गुणवत्ता सोडपाक आडखळी येवं येता. २०२० चे सुरवातेक हरियाणान ३० हजार रुपयां परस उण्या नोकर्यांनी ७५% आरक्षण लागू केल्लें तें न्यायालयान भायर मारलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
