भांगरभूंय | प्रतिनिधी
पणजीः गोंयच्या 237 किलोमिटर लांब पोंयेंत 2 हॅक्टर कांदळी वाठार आसा. तातूंत फक्त 15.1 टक्के इतल्योच कांदळी आसात. गालजीबाग आनी तळपण वाठारांत कांदळी क्षेत्र उणें आसा आनी सगळ्यांत चड कांदळी ह्यो पोंयेंत आसात. जाल्यार पणजी आनी जुवारी हो कांदळी क्षेत्र सगळ्यांत व्हड आसा. खूब उण्यां प्रमाणांत कांदळी ह्यो पोंयेंत आसात, अशी म्हायती गोंय दर्यादेग वेवस्थापन आराखडो मसुद्यांतल्यान मेळ्ळ्या.
मांडवी न्हंयेच्या 68 किलोमिटर पोंयेंत 700 हॅक्टर इतलो कांदळी वाठार आसा. पूण 12.6 टक्के इतल्योच थंय कांदळी आसात. जाल्यार जुवारी न्हंयेच्या 63 किलोमिटर पोंयेंत 900 हॅक्टर इतलो कांदळी वाठार आसा. पूण 15.5 टक्के इतल्योच कांदळी थंय आसात.
सगळ्यांत चड कांदळी गालजीबाग वाठारांत आसा. हे ल्हान 16 किलोमिटर लांब पोंयेंत 20 हॅक्टर कांदळी वाठार आसा. तातूंत 76.9 टक्के इतल्यो कांदळी आसात. जाल्यार तळपण हो वाठार ल्हान आसून लेगीत थंय 9 तिलोमिटर लांब पोंयेंत 20 हॅक्टर इतलो कांदळी वाठार आसा आनी थंय 50 टक्के इतल्यो कांदळी आसात.
तेरेखोल 26 किलोमिटर लांब पोंयेंत 30 हॅक्टर वाठारांत 8.6 टक्के, शापोरा 30 किलोमिटराच्या 30 हॅक्टर वाठारांत 14 टक्के, कुमारजुंवें 15 किलोमिटराच्या 200 हॅक्टर वाठारांत 53.3 टक्के आनी साळ 10 किलोमिटराच्या 30 हॅक्टर वाठारांत 9.9 टक्के कांदळी आसात. गोंयच्या कांदळी वाठारांत 16 प्रजातींचीं कांदळीचीं झाडां आसात जाल्यार कांदळी भशेन दिसपी हेर 9 झाडांच्यो प्रजाती आसात. 180 प्रजातींचें नुस्तें आसा, पूण तातूंत पाणघोड्यांच्यो दोन प्रजाती मेळटात. 4 प्रजातीच्यो पाली, सोरोप 2, कांसव 1 आनी मानगें 1. तेच वांगडा 185 प्रजातीचीं सुकणी ह्या कांदळींचेर निंबून आसात.
कांदळी वाठारा संबंदांत कोफुसांव
गोंयांत कांदळी वाठार संबंदांत कोफुसांव तयार जालां. रान खात्याच्या अहवाला
प्रमाण राज्याचो 26 चौखण किलोमिटर क्षेत्रफळ कांदळी वाठारांत येता.
पूण वेगवेगळ्या एजन्सींनी आप आपलो वेगळो अहवाल दिला. शास्वत दर्यादेग
वेस्थापना खातीरचे राष्ट्रीय केंद्र (एसीएससीएम) हांणी दिल्ले म्हायती
प्रमाण गोंयांत 41.11 चौखण किलोमिटर क्षेत्रफळ आसा, अशें गोंय दर्यादेग
वेवस्थापन आराखडो मसुद्यांतल्यान कळून आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
