भांगरभूंय | प्रतिनिधी
आ मच्या देशांत गिरे लागप, हें अजाप न्हय. पूण ताचें खरें कारण सोदलें विज्ञानिकांनी. तेंय आधुनिक तंत्रगिन्यानाच्या बळग्याचेर. हें सगलें जावंक जाय, शाळेंत वचपाचे पिरायेचेर. तेन्नाच विद्यार्थ्यां मदीं विज्ञानीक मानसिकताय रिगपाक जाय. मिरामारा विज्ञान केंद्र सुरू जालां. जुंता हावसाच्या तेर्रासाचेर दुर्बीण आसा. तातूंत तुमकां अंतराळांतले गिरे पळोवपाक मेळटात. ताचेर जाणकारां लागीं भासाभासूय करपाक मेळटा. पूण कांय विद्यार्थ्यांक इत्सा आसूनय थंय वचपाक मेळना. हाचेर एक उपाय म्हणल्यार अशें केंद्र दरेका तालुक्यांत सुरू करप. पूण हें जातलेंच अशें ना. पूण कृत्रिम तरेन कांय गजाली जावं येतात. औरंगाबादचो एक तरणाटो नावेद शेख हाणें एक कृत्रिम तारांगण तयार केलां. तें तो खंयूय व्हरपाक शकता आनी ताका जागोय चड लागना.
कृत्रिम घोळटें तारांगणा भितर तुमी मळबांतलीं नखेत्रां दिसाचीं पळोवंक शकतात. जायत्या शाळांनी, संस्थांनी हो उपक्रम घडोवन हाडला. उणेच अडीचशे पळोवपी आसपाक जाय. दरेकल्याक शंबर रुपया फी. जे भोवपाक शकना तांकां हें तारांगण बरें.
महाराष्ट्रांतल्या गांवगिऱ्या वाठारांनी नावेद हांणी आपलो हो उपक्रम व्हेला. हालींच चांद्रयान मोहिमेक लागून भारतान पुराय संवसारांत नांव जोडलां. आमी आतां पुराय स्वदेशी तंत्रज्ञान वापरपाक लागल्यात. आतां मुखार विज्ञान फाट्याक हुशाक भुरगे जाय पडटले.
संशोधकांचीय गरज लागतलीच. सध्या चडशीं संशोधक बायलां आसात. आमच्या इस्रोन संवसारांत नांव जोडलां. हे संस्थेन कितलेशेच गिरे अंतराळांत सोडल्यात. आतां मंगळाचेर यान व्हरपाची मोहीम चालू आसा. चंद्राचेर मनीस देवोवपचो निर्णय इस्रोन घेतला. ते खातीर चवगांची निवड केल्या. तातूंतल्या एकल्याक संद
मेळटली. तुमकां बंगळुरांत वचपाची संद मेळत जाल्यार इस्रोक भेट दियात.
शाळांनी साबार कार्यावळी जातात. तातूंतल्यान उत्सुकताय निर्माण जाली जाल्यार ताका ह्या फाट्याची आवड लागूं येता. घोळटें तारांगण अशा विद्यार्थ्यांक उपेगी पडूं येता, अशें नावेद हांकां दिसता. विज्ञान फांट्यांत वचपी विद्यार्थी सतत अभ्यास करपी जाय. हे संस्थेन काम करपाक जाय ते जाण इत्सुक आसतात. पूण तांकां एक परिक्षा दिवची पडटा.
9673844844 ह्या फोनाचेर तुमी संपर्क करून चड म्हायती घेवं शकतात. तशेंच इन्स्टाग्राम, युट्यूब, फेसबुकाचेर हाची म्हायती आसा. नावेद हांकां मेळचे पयलीं तुमी हो अभ्यास करून म्हायती घेवची. विज्ञान फांटो तुमकां करियराचे खूब पर्याय दिता, हें जरी खरें आसलें तरी शालेय वर्ग शिकतनाच जर आमी ह्या फांट्यांत येवपाक मार्ग निर्माण केलो जाल्यार ताचो चड लाव जावं शकता. ल्हान – ल्हान कार्यावळींतल्यान ही रुच वाडपाक शकता. कृत्रिम घोळटें तारांगण हो असोच एक उपक्रम.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
