भांगरभूंय | प्रतिनिधी
वॉशिंग्टन, खबरां संस्था ः माती आमचे खातीर बरी आसूं येता अशें शास्त्रज्ञांनी केल्ल्या एका संशोधनांत स्पश्ट जालां. शेतांनी वाडिल्ल्या लोकांक पोटाचे दुयेंस, दमो आनी एलर्जी जावपाचो धोको उणो आशिल्ल्याचें ह्या संशोधनांत दिसून आयला. कारण, ते वेगवेगळ्या सुक्ष्मजंतूच्या संपर्कांत येतात. हाका लागून रोगप्रतिकार शक्त घट जाता. 1970 च्या दशकांत शास्त्रज्ञांनी मातयेंत मेळपी ‘मायक्रोबॅक्टेरिया वॅके’ हो सूक्ष्मजंतू सोदून काडलो. ताका लागून मनशाच्या मेंदवांत सुज येना. ताण उणो करता आनी रोगप्रतिकार शक्त घट करता. कोलोराडो बोल्डर विद्यापिठांत शरीरशास्त्राचो प्राध्यापक. ख्रिस्तोफर ए. लॉरीन म्हणलें, घर, शारा सावन पयस वचून कांय काळ मातयेच्या संपर्कात रावचें.
तज्ञांचो सल्लो
धुल्ल- मातयेचो तुमच्या मूड सावन तुमच्या मायक्रोबॉोमा मेरेन सगळ्यांक फायदो जाता. मातये कडेन पळोवप, ताचो वास घेवपाक कांय वेळ घालचो अशें असोसिएशन ऑफ नेचर अँड फॉरेस्ट थेरपी गाइड्स अँड प्रोग्राम्स संस्थेचे संस्थापक एमोस क्लिफोर्ड हांणी सांगलें. माती मुठींत घेवन हातान तोंडार मालिश करात. चिखलांत उक्त्या पांयांनी चलप. हाका लागून दोळे आनी तकलेक थंडसाण जाणावतली.
रोगप्रतिकार शक्तींत उपेगी
मातयेविशींचें सगळ्यांत ताजे संशोधन फिनलँडांत केलां. शारांतल्या डे केअर होमांत भुरग्यांक मातयेच्या मळार खेळपाक दितात. तांची भलायकी तुळा शिमीट आनी निवळ टायल्साचेर रावपी भुरग्यां कडेन केल्या उपरांत तांची रोगप्रतिकार शक्त चड घट आशिल्ल्याचें दिसून आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
