भांगरभूंय | प्रतिनिधी
-‘छत्रपती शिवाजी महाराज कथा‘ चो तिसरो दीस
हरिद्वारः पतंजली विद्यापिठाच्या आवारांत आशिल्ल्या सभाघरांतल्या सगळ्यांत आदरणीय स्वामी श्री गोविंदेव गिरी जी महाराजाच्या हाजिरेंत ‘छत्रपती शिवाजी महाराज कथा’ चो तिसरो दीस सुरू जालो. आचार्य बालकृष्ण जी हांणी सुरवातीक स्वामी गोविंद देव गिरी जी महाराज हांकां प्रमाण करून कथा सुरू करपाची विनवणी केली.
काणयेंत स्वामी गोविंद देव गिरी जी महाराजान शिवाजी महाराज, दिव्य रूपाची कथा सांगतना शिवाजीच्या बीजापूरच्या प्रवासाक लागून ताका अंतर्मुख केलो अशें सांगिल्लें. थंय ताणें इमारती आनी देवळां पळयलीं, तशेंच थंय आडमेळ्यांचेर गाय कारतना पळयलें, भियेल्ले शेतकार पळयले, भुरगीं ओडून व्हरतात तें पळयलें, ताका लागून ताच्या मनांत खूब वेदना जाली.
हो प्रस्न परत परत ताच्या मनांत आयलो, हांव कोण, म्हजें कुटुंब कशें, म्हजो समाज कसो, म्हजें राष्ट्र कितें? म्हज्या कुळाच्यो परंपरा कितें? तीं परंपरा पाळटात काय नश्ट जातात? अशें जायते प्रस्न तांच्या मनांत आयलें. वेदांतांत चिंतनाक व्हड म्हत्व आसा, थंयय चिंतन जाता जें जिवीत पुरायपणान बदलता. ताचे आवय आनी भावान दिल्ल्या मुल्यांक लागूनच ताका आपल्या देशाची, समाजाची आनी राश्ट्राची जाणविकाय दवरली.
ह्या संदर्भात आचार्य बाळकृष्ण जी महाराज हांणी सांगलें, भारतीय संस्कृताय आनी परंपरेचो ध्वजवाहक, व्हड झुजारी आनी संस्कृतायेचो राखणदार छत्रपती शिवाजी महाराजाची कथा आयकुपाची पवित्र न्हंय पतंजली विद्यापिठांतल्यान व्हांवता. पूज्य स्वामी रामदेव जी महाराजांच्या तप, यत्न आनी बऱ्या संकल्पाक लागून पतंजली रुपांतली ही पवित्र, व्हड आनी दैवी भव्य संस्था निर्माण जाल्या अशें तांणी सांगलें. भारतीय संस्कृतायेचो अभिमान आशिल्ल्या, शास्त्रपाठाची बरी जाणविकाय आशिल्ल्या आनी राष्ट्रा कडेन खाशेली भावना आशिल्ल्या पूज्य स्वामी गोविंद देव गिरी जी महाराजाच्या तोंडातल्यान ही कथा आयकल्यार स्वताक दैवीत्व मेळटा अशें तांणी सांगलें.
छत्रपती शिवाजीची प्रतिमा पूज्य स्वामी रामदेव जी महाराजांत दिसता अशें आचार्य हांणी सांगलें. आमच्या सुखी फुडारा खातीर कश्ट ते सोंसतात. केन्ना केन्ना कांय जाणांक स्वामीजी वाद कित्याक घालतात असो प्रस्न पडटा. स्वामी जी कसलोच वाद घेनात, पूण कांय वायट आतंकवादी राक्षस आमचे मुखार वेगवेगळ्या रुपांनी आनी वेगवेगळ्या काळांत दिसतात. आतंकवाद्यां कडल्यान पुराय देश आनी राष्ट्र वाटावपाक स्वता मुखार येता तो संत. पूज्य स्वामी जी मुखेल भुमिकेंत येवन आमच्या संरक्षणाची जापसालदारकी पाळटा. सगळें घात, फाटींफुडें जाल्लें आनी जखमी जावप ते स्वताच सोंसतात, जाका लागून पुराय राष्ट्र शांतपणान न्हिदूंक शकता, संस्कृताय आनी संस्कृतायेच्या उदात्त शास्त्रीय आंगांचो फायदो घेवन आपलें कुटुंब आनी समाज मुखार व्हरूंक शकता. आमी सगळ्यांनी शिवाजी महाराज आनी पूज्य स्वामी जी सारके झुजारी जावंक जाय, व्हड मनशां कडल्यान प्रेरणा घेवन तांचे सारके जावपाचो यत्न करचो आनी तांचे सारके जावंक मेळना जाल्यार मागीर तांच्या जिवितांतल्यान प्रेरणा घेवन तांचे अनुयायी जावचे.
कार्यावळींत भारतीय शिक्षण मंडळाचे कार्यकारी अधिकारी श्री एन.पी. सिंग, डॉ. साध्वी देवप्रिया, पतंजली विद्यापिठाचे मनी शास्त्राचे डीन प्रा. भारत स्वाभिमानाचे मुखेल केंद्रीय प्रभारी महावीर अग्रवाल, भाई राकेश ‘भारत’ आनी पतंजली विद्यापीठाचे कुलगुरू स्वामी परमार्थदेव स्वामी आर्शदेव आनी पतंजली गुरुकुलम, आचार्यकुलम, पतंजली विद्यापीठ आनी पतंजली आयुर्वेद महाविद्यालय ह्या सारक्या सगळ्या शिक्षणीक संस्थांचे प्राचार्य आनी विद्यार्थी , पतंजली संन्याश्रमाचे संन्यासी, पतंजली योगपीठाक संबंदीत आशिल्ल्या सगळ्या युनिटांचे भाव आनी साध्वी भयणी आनी युनिट मुखेली, अधिकारी आनी कर्मचारी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
