भांगरभूंय | प्रतिनिधी
राज्यांतल्या घटस्फोटाच्या प्रमाणात जाता वाड
प्रतिनिधीः भांगरभूंय
पणजीः फाटल्या कांय वर्सां सावन गोंयांत घटस्फोटाच्या प्रमाणांत वाड जावपाक लागल्या. 2019 चे तुळेंत 2023 वर्सा घटस्फोटाचें प्रमाण 1.72 टक्क्यांनी वाडला. 2019 वर्सा लग्न नोंदणी जाल्ल्याचे तुळेंत 4.19 टक्के घटोस्फोटांची नोंद जाल्या. 2023 वर्सा ही टक्केवारी वाडून 5.88 टक्के जाल्या. राज्य नोंदणी खात्यांतल्यान ही म्हायती मेळ्ळ्या.
गोंयांत 2019 तें 2023 मजगतीं 41 हजार 757 लग्नांची नोंदणी जल्ली. वर्साक सरासरी 8351 जाल्यार म्हयन्याक सरासरी 696 लग्नांची नोंद जाली. 2019 त 9325 ल्गना जालीं आनी 390 घटस्फोट जाले. लग्नाचे तुळेंत घटस्फोटांचें प्रमाण 4.18 टक्के आशिल्लें. 2020 हें प्रमाण 4.32 टक्के, 2021 त 3.26 टक्के, 2022 त 4.38 ट्के जाल्यार 2023 त 5.88 टक्के आशिल्लें.
राज्यांत फाटल्या चार वर्सांचे तुळेंत 2023 वर्सा म्हयन्याक सरकारी घटस्फोटांचें प्रमाण सुमार देडपटीन वाडले. 2019 तें 2022 ह्या चार वर्सा वट्ट 1349 घटस्फोट जाले. हाचो अर्थ वर्साक सरासरी 337 आनी म्हयन्याक 28 घटस्फोटांची नोंद जाली. 2023 ह्या एकाच वर्सा म्हयन्याक सरासरी 40 घटस्फोटांची नोंद जाली.
साश्टींत चड घटस्फोट
तालुक्यांचो विचार केल्यार 2019 तें 2023 मजगती साश्ट तालुक्यांत सगल्यांच चड लग्नांची नोंदणी घटस्फोट दिवपाचे प्रकार घडले. साश्टींत 8378 लग्नांची नोंदणी आनी 589 घटस्फोट जाले. लग्नाचे तुळेंत घटस्फोटांचें हें प्रमाण 7.03 टक्के आशिल्लें, हें प्रमाण राज्याच्या वट सरासरी परस चड आसा.धारबांदोडें तालुक्यांत सगल्यांत कमी लग्नांची नोंदणी आनी घटस्फोट जाले. थंय 726 लग्नां जालीं आनी फकत 13 घटस्फोट जाले. लग्नाच्या तुळेंत हें प्रमाण 1.79 टक्के आशिल्लें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
