भांगरभूंय | प्रतिनिधी
हिमोग्लोबीन हो कुडींतलो सगळ्यांत म्हत्वाचो घटक. रगतपेशींत उपलब्ध आशिल्लें लोहयुक्त प्रथिन म्हळ्यार हिमोग्लोबीन. हें प्रथिन कुडींतल्या ऑक्सिजनाचो प्रवाहांत संतुळीत दवरपाचें काम करता. ताका पुलमांवांत ऑक्सिजन पावोवपाचो वावर करचो पडटा.
आपोल – सादारणपणान दोतोर दर दिसा एक आपोल (सफरचंद) खावपाचो सल्लो दिता. तातूंत लोखणाचें प्रमाण व्हड प्रमाणांत आसता. ताका लागून हिमोग्लोबीनाची पातळी वाडटा. तशेंच आपोल पोटाच्या समस्यां पसून सुटका दिता.
डाळींब – रगतांतल्या हिमोग्लोबीनाचें प्रमाण वाडोवपाक डाळंबाच्यो बियो चड उपेगी पडटात. त्यो नेमान खायत जाल्यार रगतांतल्या हिमोग्लोबीनाचो उणाव सहजपणान पयस करुंक मेळटा. डाळबांत लोखण, कॅल्शियम, प्रथिन, कार्बोहायड्रेट, तंतू अशे गूणधर्म आसतात. देखून कुडींत हिमोग्लोबीनाचें प्रमाण सहजपणान वाडटा.
आवाळो – आवाळ्यांत जीवनसत्व सी, कॅल्शियम आनी लोखण भरपूर प्रमाणांत आसता. देखून कुडींतल्या हिमोग्लोबीनाचें प्रमाण नेटान वाडटा. हिमोग्लोबीना खातीर आमी आमच्या दिसपट्ट्या आहारांत आवळाचो आस्पाव करचो.
पासां – कुडींचें अशक्तपण उणें करपाक पासां (मनुका, किशमीस) खूब फायदेशीर आसता. तातूंत लोखण, मॅग्नेशियम, कॅल्शियम आनी तंतू भरपूर प्रमाणांत मेळटा.
पालक – पालकांत ए, सी, ई, के आनी बी कॉम्प्लेक्स जीवनसत्वांचें बरें प्रमाण आसता. भलायकेच्यो सगल्यो समस्या टाळपा खातीर तुमच्या दिसपट्ट्या आहारांत पालकाचो आस्पाव करचो.
गोड – तुमी दिसपट्ट्या आहारांत गोडाचो (गुळ, जॅगरी) आस्पाव करचो. तातूंत लोखण तशेंच जीवनस्तव बी 12, बी 6, फोलेट, कॅल्शियम, फॉस्फरस आनी सेलेनियम सारकिल्ले पोशक तत्व आसतात.
हिमोग्लोबीन वाडोवपा खातीर नेमान व्यायाम करप गरजेचें. तज्ञांच्या सल्ल्या प्रमाण दर दिसा व्यायाम केल्यार कुडींतल्या रगताची येरादारी बरी उरता. देखून कुडींत स्वता हिमोग्लोबीन तयार जाता. रगत उणें आशिल्ल्या लोकांक नेमान व्यायाम करपाचो सल्लो दोतोर दितात. हिमोग्लोबीनाची उणीव जाल्यार तरेकवार दुयेंसां जावंक शकतात. देखून ताचो समतोल दवरप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
