भांगरभूंय | प्रतिनिधी
जपान, खबरां संस्था: जपानाच्या इशिकावा प्रांतांत सोमारा भुंयकांपाचे धपके जाणवले. रिश्टर स्केलीचेर तो ७.४ खर आशिल्ल्याचें नोंद जालें. प्रशासनान त्सुनामीची शिटकावणी जारी केल्या. सध्या कसलेंच लुकसाण जावंक ना.
जपानच्या प्रशासनाच्या म्हणण्या प्रमाण, ५ मिटर (१६ फूट) उंच लारां येवपाक शकतात. दर्यादेग वाठारांत रावपी लोकांक सुरक्षीत सुवातेर वचपाक सांगलां.
फुकुशिमा प्लांटाचेर नदर दवरल्या
जपानी माध्यमांनी दिल्ले म्हायती प्रमाण, फुकुशिमा अणु प्रकल्पाचेर खर नदर दवरल्या. मार्च २०११ त जपानांत ९ खर भुंयकांपांक लागून त्सुनामी आयिल्ली. उपरांत निर्माण जाल्ल्या त्सुनामीच्या ल्हारांनी फुकुशिमा अणु प्रकल्प काबार जाल्लो. इपरांत दर्यांतल्या १० मिटर उंच लाटांनी खुबश्या शारांनी विध्वंस केल्लो. हातूंत सुमार १६ हजार लोकांक मरण आयिल्लें.
जपान भूकंपाचे नदरेन संवेदनशील भागांत आसा. हांगा भूकंप जायत आसतात. रिंग ऑफ फायर हो असो वाठार जंय महासागरी टेक्टोनीक प्लेट्स कॉन्टिनेंटल प्लेट्ससह अस्तित्वांत आसा. जेन्ना हे प्लेट्स एकमेकांचेर आदळटा तेन्ना भुकंपड जाता. ताच्या प्रभावाक लागून त्सुनामीय जाता. संवसारांतले ९०% भूकंप ह्या रिंग ऑफ फायरांत जातात. जपान, रशिया, फिलीपिन्स, इंडोनेशिया, न्यूझीलंड, अंटार्क्टिका, कॅनडा, अमेरिका, मेक्सिको, ग्वाटेमाला, कोस्टा रिका, पेरू, इक्वेडोर, चिली, बोलिव्हिया हे देश रिंग ऑफ फायर खाला येतात..
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
