भांगरभूंय | प्रतिनिधी
पालक जावप हें दर एका लग्न जाल्ल्या जोडप्याचें सपन, दरेक जोडपें ताचे खातीर यत्न करता, पूण यत्न करुन लेगीत जायत्या जोडप्यांचे पालक जावपाचें सपन पुराय जावंक पावना. आनी मागीर समाज तांचेर जायत्यो टिका करतात. पूण तुमका खबर आसा तुमच्यो जायत्यो संवयी तुमकां वांझपणाचे बळी करतात.
15 मदल्या 1 मनशाक वांझपणाची यातना
नव्यान लग्न जाल्ल्या जोडप्यांची समस्या म्हळ्यार लग्न जाले उपरांत दोन म्हयन्यां भितर तांकां परिणाम जाय आसता. पूण जेन्ना हें शक्य जायना तेन्ना बायलेचेर खूब दबाव येता, जाका लागून तिका ताण येता आनी हुस्को सतायता. आनी हो ताण वांझपणाक आनीक वाडयता. एका अहवाला प्रमाण भारतांतल्या 15 मदल्या 1 मनशाक वांझपणाची यातना जाता.
वायट जिणे पद्दत व्हडली समस्या
भुरगेपणाच्या समस्याचें मुखेल कारण आमच्या आधुनीक जिणे पद्दती कडेन आनी खावपाचे संवयी कडेन संबंदीत आसा, जें नेटान वाडत आसात. आमची वायट जिणे पद्दत आनी दिसपट्ट्यो वायट सवयो आमच्या प्रजनन क्षमतायेचेर परिणाम करतात. वांझपणाची समस्या फकत बायलांक न्हय तर दादल्यांकूय जावंक शकता हें समजून घेवपाची आमच्या समाजाक व्हड गरज आसा.
वांझपण कित्याक जाता?
दादले आनी बायलां मदीं प्रजनन क्षमताय उणी जावपाचें मुखेल कारण स्पश्ट करचें. तातूंतली पयली म्हळ्यार खावपाची वायट संवय आनी आहारांत फावो त्या प्रमाणांत पोशक तत्वांचो उणाव, जाका लागून बायलेच्या तांतयांचो आनी दादल्यांच्या शुक्राणूंचो दर्जो उणो जाता. दुसरें म्हणल्यार नेमान योग वा व्यायाम करुंक ना जाल्यार दादले आनी बायलांची प्रजनन क्षमताय दुबळी करता. तिसरें, दादले आनी बायलां दोगांयक फावो ती न्हीद मेळनाशिल्ल्यान वांझपणाची समस्या येवपाची शक्यताय आसता. हाचे भायर इलॅक्ट्रॉनीक उपकरणांचो चड वापर केल्ल्यान ही समस्या निर्माण जावपाक लागल्या.
आयुर्वेदांत वांझपणाचेर उपचार
वांझपणाच्या समस्यांत पंचकर्मांतल्या उत्तर बस्ती वरवीं दुयेंतीच्या दोशांचेर काम करून कुडीची सैमीक क्षमताय वाडोवंक मेळटा. ह्या उपचाराक लागून तांतयां, बायलांतले फॅलोपियन ट्यूब आनी दादल्यांमदीं शुक्राणू हांचो दर्जो सुदारून सैमीक रितीन गर्भधारणा करपाची तांक वाडटा. दर म्हयन्याक ४० ते ५० बायला आयुर्वेदाच्या आदारान गर्भधारणा करतात. उत्तरबस्ती पद्दतींत कॅथेटर वरवीं आयुर्वेदीक वखद आनी तेल बायलेच्या गर्भाशयांत घालतात. ह्या उपचाराची सगळ्यांत बरी गजाल म्हळ्यार ताचे कसलेच दुश्परिणाम नात आनी ताचें येसस्वी प्रमाणय आयव्हीएफ परस खूब चड आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
