भांगरभूंय | प्रतिनिधी
दर्याचे उदक सगळ्यांक आवडटा म्हूण तर थंय सदांच गर्दी जाता. ज्या राज्यांनी दर्या ना ते तर ह्या दर्याक पळोवन पिशे जातात. अशे आसुनूय आमी नावीक दळांत वचपाक फाटी फुडें जाता. हालींच नावीक दीस आमी मनयलो. ते खातीर एक कार्यावळ लागींच्या मालवण किल्ल्यार जाली. ताका मानेस्त प्रधानमंत्री मोदीजी आयिल्ले. तांणी शिवाजी महाराजांच्या पुतळ्याचें उक्तावण केलें. ह्या वेळार तारकर्ली दर्यार आमच्या नावीक दळान प्रात्यक्षिकां दाखयलीं. ह्याच नावीक दळा भितर कांय पदां भरपाची आसा. ताची म्हायती दिसाळ्यांनी जशी दिल्या तशी तांच्या संकेतथळाचेर लेगीत आसा.
अख्ख्या देशाक एक व्हड दर्यादेग आमकां मेळ्ळ्या ताका लागून नावीक दळाचे म्हत्व वाडत आसा . तुमकां खबर आसतलें की पाकिस्तनांतले अतिरेकी ह्याच ड्रायचो उपेग करून आयिल्ले. आतां तर स्वदेशीक भर दिवपाचो सरकारचें धोरण आसा. इंफाळ ही गेर्र नौका ताची हालीची देख आसा. ही विशाखा पट्टण श्रेणीची गेर्र नौका आसा. आनी ताचे भितर बरीच घटक अस्त्रां मेळटात. पाकिस्ताना वांगडा चीन लेगीत आमचो दुस्मान जावपाक लागला. हे नौकेक लागून चीनाचेर लेगीत आमी लक्ष दवरूंक शकतात. नियंत्रण दवरूंक शकता. सद्या नौदळ मुखेली म्हूण आर हरिकुमार आसात. प्रकल्प 158 च्या चार नौके मदली ही एक आसा. हालींच ड्रोना वरवीं एम व्ही केम प्लुटो ह्या म्हाल व्हरपी बाेटीचेर हल्लो जालो. हाचे वेल्यान नौदळ सैनीक गस्त कितली गरजेची आसा तें कळटा.
तुमकां जर नौदळ फांट्यांत वचपाचें ना, तर चड शिकून तुमी संशोधक जावं येता. हाचे खातीर फक्त दर्या विशीं आवड आसुंकूच जाय. खेरीज तशे दर्याचें शिक्षण लेगीत तुमचे कडेन आसूंक जाय. वनस्पती ना जाल्यार प्राणिशास्त्र विशय हाता कडेन आसूंक जाय लायफ सायन्स हाचो अभ्यास जाय. पदव्युत्तर शिक्षण करताना एमएससी मरीन सायन्सा भितर करपाक जाय.
राज्या भितर गुंतवणूक जर जायत जाल्यार रोजगार वाडूंक शकतलो हे खातीर गोंय राज्य उद्देग संघटणा, गोंय चेम्बर ऑफ कॉमर्स अॅण्ड इंडस्ट्रीज, कॉन्फीडेरेशन ऑफ इंडियन इंडस्ट्री, लघू उद्देग, भारती असोसिएटेड चेम्बर्स ऑफ कॉमर्स अॅण्ड इंडस्ट्री ऑफ इंडिया (असोचेम ) सारख्या उद्देगा कडेन लागीं आशिल्ल्या संस्थांनी म्हामंडळा कडेन चर्चा केली आनी नवे नेम आंखल्यात. कामगारांचे कौशल्य आनी फांटो लक्षण घेवन आतां दर दिसाक 407 ते 570 पगार कामगाराक मेळपाची सोय आसा.
आमच्या गोंयांत दर्याची, सैमाची देणगी आसा. हाचे खातीर आदरातिथ्य सरबराय फांटो नेटान चलता. हाचे खातीर जी कुशळटाय जाय, ती तुमकां शिकची पडटा. सरकारान हे खातीर वेंचीक आयटीआय केंद्रानी हाची वेवस्था केल्या. हातूंत पणजी, फर्मागुडी, दिवचल, सत्तरी, पेडणें, वास्को, मडगांव काणकोण, काकोडें ह्या 9 सरकारी आयटीआय केंद्रांचो आस्पाव आसा. टाटा कम्पनीची इंडियन हॉटेल्स हें प्रशिक्षण दिवपाक तयार जाल्यात. हें प्रशिक्षण घेतले उपरांत ह्या फांट्यांतल्या तरणाट्याक ताचो लाव जातलो. हातूंत फूड अॅण्ड ब्रेव्हरेज हावस किपींग जेवण रांदप सारखे गरजेच्यो गजाली शिकयतले.
आयज ह्या फांट्यांत रोजगार मेळपाची व्हड संद आसा. खाण वेवसाया उपरांत ह्या फांट्याक आमी प्राधान्य दिता. खाण वेवसाय बंद आशिल्ल्यान सबरावल फांटो आमच्या हातांत आसा. ताचो बरो उपेग करुया. गोंय हें संवसारातलें नामनेचे पर्यटन थळ म्हूण, जाल्यार वर्साचे सगले म्हयने देश, विदेशांतले पर्यटक हांगा येतात. हे खेरीज लग्न सुवाळो, जेवपाक खावपाक हॉटेलांचो उपेग जाता. हाका लागून मनीस बळ जाय पडटा. जो मेरेन हांगा व्हड उद्देग येनात, तोमेरेन रोजगार वाडपाक कठीण जातलें. आतां नेम बदल्ल्यात म्हूण घडये व्हड उद्देग हांगा येवन रोजगार वाडूंक शकता.
हालींच गोंयचो पूत जांणी पंजाब राज्याक आपल्या कर्तृत्वान शांत केलें. जांणी मुंबयक लेगीत आपले योगदान दिलें ते सुपर कॉप ज्युलिओ रिबेलो सारख्या मनशाच्या अणभवाचो आमी रोजगाराचे खातीर सुचोवण्यो घेवपाक उपेग करूंक जाय. एमफील हो अभ्यासक्रम ह्या उपरांत आसचो ना तेन्ना उमेदवारांनी हाची जतनाय घेवची.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
