भांगरभूंय | प्रतिनिधी
मुंबय, खबरां संस्था: फाटल्या कांय वर्सां सावन अभियांत्रिकी आनी तंत्रज्ञान अभ्यासक्रमांनी प्रवेश घेवपी विद्यार्थ्यांचो आंकडो देंवतूच आसा. आयटी कंपन्यांनी नोकर भरतीचें प्रमाण कमी केल्ल्यान येवपी काळांत अभियांत्रिकी शिक्षणा कडेन वचपाचो विद्यार्थ्यांची उमेद आनीक उणी जातली, अशें ह्या मळा वयले एक तज्ज्ञ नीती शर्मा हांणी म्हणलें.
तांणी दिल्ले म्हायती प्रमाण बीटेक खातीरच्या विद्यार्थ्यांची नोंदणी २०१६-१७ त सुमार ४० लाख आशिल्ली. ती २०२०-२१ त ३६ लाखां मेरेन देंवल्या.
फाटल्या पांच वर्सांनी बीटेक आनी बीई अभ्यासक्रमांत प्रवेश घेवप्यांचो आंकडो देंवला. हाचें मुखेल कारण म्हळ्यार नोयांची संद उणी जाल्या. आयटी कंपन्यां वरवीं वट्ट नव्या नोकरभरतीचें प्रमाण २०२२ अर्थीक वर्सांतल्या पासआउटच्या २६ टक्क्यां वयल्यान २०२३च्या अर्थीक वर्सा १५ टक्के आनी उपरांत २०२४च्या अर्थीक वर्सा १० टक्क्यांचेर देंवलां. तशेंच आजूनय क्लावड कॉम्प्युटिंग, आर्टिफिशियल इंटेलिजन्स आनी सायबर सुरक्षा सारकिल्ल्या अभ्यासक्रमांक विशेश मागणी आसा.
कॅम्पस प्लेसमेंटचे परिस्थिती प्रमाण २ लाख लोकांक नोकरी मेळप शक्य ना हाचो धोको आसपाक शकता. तातूंत आयटी मळार नोकरी करपा इत्सूक आशिल्ल्यांच्यो नोकर्यो उण्यो जावपाचें प्रमाण चड आसा.
२०२२-२३ त फाटल्या वर्साचे तुळेंत नव्या नोकर भरतींत ९ टक्के देंविल्ले. अर्थीक वर्स २४त आनी ५ टक्के उणे जावपाची अपेक्षा आसा. वट्ट नोकरभरती ४० टक्क्यांनी उणे जावपाची अपेक्षा आसा. हालीं अहवाला प्रमाण फाटल्या वर्साचे तुळेंत नवे नोकर भरतींत सुमार ४० ते ५० टक्के देंवपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
