भांगरभूंय | प्रतिनिधी
माजरां पाळपाक खुबश्या लोकांक आवडटा. कांय लोक छंद वा तांकां तीं भोव आवडटात म्हणून पोसतात. फुडारांत कितें घडपाचें आसा हाचो अंदाज माजर घेवपाक शकता अशें कांय लोक मानतात. तशेंच घरा खातीरूय ते शूभ आसता अशेंय कांय लोकांचें म्हणणें.
माजर पोसप वायट न्हय. पूण ऑस्ट्रेलियाच्या क्विन्सलँड विद्यापीठांतल्या संशोधकांनी केल्ल्या अभ्यासांत कांय अजाप करपा सारक्यो गजाली मुखार आयल्यात. ह्या संशोधनात अशें दिसून आयलां, मांजरा वांगडा रावरल्यार स्किझोफ्रेनियाचो (Schizophrenia) धोको वाडटा.
स्किझोफ्रेनिया म्हळ्यार कितें?
स्किझोफ्रेनिया (Schizophrenia) हें एक मानसी दुयेंस. जाका लागून पिडेस्त व्यक्तीच्या विचार, समज आनी वागण्यात बदल घडटा. हें दुयेंस जाल्लो मनीस दरेके गजालीचेर दुबाव घेता आनी स्वता भितरूच रमून वता.
माजरा वरवीं स्किझोफ्रेनिया कसो पातळटा?
संशोधकांच्या म्हणण्या प्रमाण, टॉक्सोप्लाझ्मा गोंडी (T. gondii) हो परजीवी मांजरा वरवीं मनशा मेरेन पावपाक शकता. जाका लागून मनशा मदीं स्किझोफ्रेनिया जावपाक शकता. टॉक्सोप्लाझ्मा गोंडी सरळ मेंदवाच्या न्युरोट्रांसमीटराचेर परिणाम करपाक शकता आनी सुक्ष्म अल्सर तयार करपाक शकता. २५ वर्सां मांजराच्या संपर्कांत आयिल्ल्या मनशाक स्किझोफ्रेनिया जावपाची शक्यताय वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
