पांच वर्सांत भारताचें अंतराळ स्टेशन

भांगरभूंय | प्रतिनिधी

नवी दिल्ली, खबरां संस्था ः इसरोन भारताचो अंतरिक्ष स्पेस रोडमॅप-2047 तयार केला. फुडल्या पांच वर्सांत (2028 मेरेन) भारतीय अंतरिक्ष केंद्राची पयली आवृत्ती तयार करपाचो हे संस्थेचो हेत आसा. स्टेशन सुरू करपा खातीर नेक्स्ट जनरेशन लाँच व्हेइकलची (एनजीएलव्ही) गरज पडटली. 2034 मेरेन ताची उदरगत जावपाची शक्यताय आसा. म्हळ्यार भारत 2035 मेरेन स्वताच्या रॉकेट वरवीं अंतराळात आपले अंतराळ स्टेशन धाडूंक शकता. रोडमॅप प्रमाण इसरो 2047 मेरेन जायतीं चंद्रयान मोहिम सुरू करतले. तांतूत भारतीयांक चंद्राचेर देंवपी पसून ते धर्तरेचे कक्षे सावन चंद्रा मेरेनच्या पर्यटनाचो आस्पाव आसा.

चंद्राचेर घर जातलें, मातीय हाडटलें

स्पेस रोडमॅप-2047 प्रमाण चंद्रयान मोहिम तीन टप्प्यांनी जातलें. पयल्या टप्प्यांत 2028 मेरेन चंद्रयान 4 लाँच करपाची तयारी आसा. चंद्रांवयल्यान परतून येवपाचें नमुनो मिशन आसतलें. दुसऱ्या टप्प्यांत चंद्रयान 5, 6 आनी 7 लाँच करपाचो हेत आसा. चंद्राच्या पृश्ठाचेर मनशाक देंवोवचे पयलीं तंत्रगिन्यानाची उदरगत करपी हीं मिशनां आसतलीं. चंद्रयान 5 चंद्राचेर रेडियोआयसोटोप्स हीटर बसयतले, जाका लागून कडक थंड हवामानांत मनशाक उश्णताय मेळटली. चंद्रायन 6 चंद्राचेर मनीस वसणुके खातीर मुळावी बांदावळ बांदपाची येवजण आसा. चंद्रयान 7 भारतीयांक चंद्राचेर धाडटले. हाचे उपरांत चंद्राचेर पर्यटन सुरू जातलें.
भारतीय अंतरिक्ष स्टेशनाचेर 3 प्रवासी रावूंक शकतात, आंतरराष्ट्रीय स्टेशनाचेर 6 प्रवासी रावतात. भारतीय अंतराळ स्टेशनाचे मॉडेल. (इन्सेट) आंतरराश्ट्रीय आंतराळ स्टेशन. ह्या स्टेशनाचो वर्सुकी खर्च 25 हजार कोटी आसा.
भारतीय अंतराळ स्टेशनाचे मॉडेल तयार आसा. ताका अंतराळात धाडपी एनजीएलव्ही मॉडेल म्हणून पयलींच निमाणें केलां. तातूंत तीन प्रवासी रावूंक शकतात. एका अहवाला प्रमाण हें स्टेशन धर्तरेचे 120-140 किमी कक्षेंत स्थापन करूं येता. दुसरे वटेन संवसारांतलें एकमेव आंतरराश्ट्रीय अंतराळ स्टेशन अमेरिका, रशिया, युरोप, जपान आनी कॅनडाचें संयुक्त मोहिम आसा. ते धर्तरेच्या 351 – 358 किमी कशेंत भोंवता. तातूंत स प्रवासी रावूंक शकतात. धर्तरेक प्रदक्षिणा घालपाक 91 मिनटां लागतात. भारतीय अंतराळ स्टेशना खातीर वट्ट खर्च 12-15 हजार कोटी रुपया आसूं येता असो अदमास आसा.