भांगरभूंय | प्रतिनिधी
नवी दिल्ली, खबरां संस्था ः अजूनय कितलेशेच लोक इंटरनॅटा पसून पयस आसात. इंटरनॅटाक पयशे दिवपाची तांक नाशिल्ल्यान हे लोक ‘इंटरनॅट गरीब’ जाल्यात. पूण फाटल्या कांय वर्सांत डेटाचे दर आनीक उणे जाल्ल्यान संवसारांतल्या 40 टक्के लोकसंख्येची म्हळ्यार 69 कोटी लोकांची ही ‘गरीबी’ ना जाल्या. अशा नागरिकांचो आंकडो आशियायी देशांनी चड आशिल्लो.
आफ्रिकन देशांचो इंटरनॅट गरिबी निर्देशांक उणो जाला. हे गरिबीत सगळ्यांत चड बायलांची संख्या आसा.
संवसारभर ‘इंटरनॅट गरीब’ लोकांची लोकसंख्या उणी करपाचे व्हड यत्न सुरू आसात. ह्या खातीर इंटरनॅटाचे दर आनीक उणे करपाची गरज आसा.
दर कितले देंवले?
2015 वर्सा सावन संवसारांतलें सरासरी इंटरनॅट 24 टक्क्यांनी उणें जालां. ह्या परस चड उणावाक लागून कांय देशांतल्या चड नागरिकांक इंटरनॅटाचो वापर करपाक मेळ्ळो. आफ्रिकेची तुळा केल्यार हे दर देंवल्यात तरी लेगीत थंयच्या 52 टक्के लोकांक अजूनय इंटरनॅट मेळना. अति गरिबीक लागून आफ्रिकेंत जायत्यो समस्या निर्माण जाल्यात. आतां आशिया खंडांतल्या कांय देशांनी संघर्श, झुजां चलतात. ताका लागून थंयूय गरिबी वाडपाची आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
