भांगरभूंय | प्रतिनिधी
भांगरभूंय । प्रतिनिधी
बोरयेः बोरयेच्या प्रागतिक विचार मंचाचें 16वे प्रागतिक मराठी साहित्य संमेलन आयतार 7 मेक ढवळीृ फोडें हांगच्या भास्कर सभाघरांत जातलें. संमेलनाचो कार्याध्यक्ष सुनील सावकार हाणे एके पत्रकार परिशदेंत ही म्हायती दिली. तांच्या वांगडा निमंत्रक प्रकाश तळवडेकार, रमेश वंसकार, येवकार अध्यक्ष डॉ अनिता तिळवे, जयवंत आडपयकार, राया बोरकार आशिल्ले.
आयतार 7 मेक सकाळी ग्रंथपूजन आनी ग्रंथ दिंडी जातली. 8.30 वरांचेर स्वरप्रकाश ही गायनाची कार्यावळ जातली. वीजमंत्री सुदिन ढवळीकार हाचे हस्तुकीं 9.30 वरांचेर संमेलनाचें उक्तावण जातलें. संमेलनाध्यक्ष साहित्यीक विठ्ठल गांवस, विशेश निमंत्रक म्हणून कवी डॉ चंद्रकांत पोतदार, उद्देजक मोहनदास बखले, उक्तावण सत्रांत रमेश वसंकार हाच्या “आइसक्रीमचं तळं”, (बाल साहित्य), विनोद नायक हाच्या “गीतगंगा” (काव्य झेलो), डॉ. रामनाथ गावडे हाच्या “उंच घे भरारी” (काव्य झेलो), प्रसाद सावन्ताच्या “तेजस्वी तारा” (नाट्यसंहिता) ह्या पुस्तकांचें प्रकाशन जातलें. साहित्यिक कालिदास मराठे, बाळ सप्रे, प्रकाश तळवडेकार, मनोहर जोशी आनी लक्ष्मी जोग हांचो भोवमान करतले.
सकाळी 11.30 वरांचेर पत्रकार सागर जावडेकार हाचे येजमानके खाला “गोमंतकीय मराठी साहित्यात गोवा किती?” ह्या विशयाचेर परिसंवाद जातलो. तातूंत राजू भिकारो नायक, डॉ प्रा प्राची देसाय आनी राजमोहन शेट्ये वांटो घेतले. दनपारां 2.30 वरांचेर कथाकथन जातलें. सांजे 4 वरांचेर कवी संमेलन जातलें. कार्यावळीचें सूत्रसंचालन दुर्गाकुमार नावती, माधुरी उसगांवकार, पौर्णिमा देसाय आनी चेतना फायदे करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
