भांगरभूंय | प्रतिनिधी
वेंचणुकेक लागून बंदीचो आदेश जारी
मडगांव: कर्नाटक राज्यांत 10 मे दिसा विधानसभा वेंचणुके खातीर मतदान जातलें. हे फाटभुंयेर दक्षीण गोंयांतल्या कर्नाटक शीम वाठारांत सोरो विकपाक बंदी आसतली असो आदेश दक्षीण गोंय जिल्होधिकारी हांणी जारी केला.
कर्नाटक राज्य विधानसभेच्या वेंचणुकांक लागून कर्नाटक शिमे सावन 5 किलोमिटरा भितरल्या अंतरांत दक्षीण गोंय जिल्ह्यांत सारो विकपाक जिल्हो दंडाधिकारी तशेंच जिल्होधिकारी ए. अश्वीन चंद्रू हांणी आदेश जारी केला. #SouthGoa हांणी बंदी घाल्या.
हाची खात्री करपा खातीर 8 मे दिसा 5 वरां सावन 10 मे दिसा 12 वरां मेरेन आनी 13 मे दिसा सकाळीं 6 वरां सावन 14 मे दिसा सकाळीं 6 वरां मेरेन सोरो विकपाक बंदी आसतली.
वेंचणूक आयोगा कडल्यान जारी केल्ल्या सगल्या सुचोवण्यांक आनी निर्देशाक पाळो दिवचो. आदेशाक पाळो दिनात तांचेर कारवाय करपाचे निर्देश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
