भांगरभूंय | प्रतिनिधी
भांगरभूंय I प्रतिनिधी
पणजी : वेवसायीक बांदकामा खातीर आतां वेवसायिकांक 20 हजार ते 1 लाखा मेरेन शुल्क फारीक करचे पडटलें. नगर नियोजन खात्यान रहिवासी तशेंच वेवसायीक बांंदकामां खातीरचें शुल्क निश्चीत करतना अधिसुचोवणी जारी केल्या.
वेवसायीक बांदकामा खातीर 1 हजार चौखण मिटर मेरेन 20 हजार शुल्क आसा. हाचे उपरांत प्रती चौखण मिटर 10 रुपया प्रमाण शुल्क आकारणी जातली. वेवसायीक बांदकामा खातीर चडांत चड 1 लाख रुपया शुल्क भरचें पडटलें.
घर वा रहिवाशी बांदकामा खातीर 300 चौ.मि. मेरेन 500 रुपया शुल्क आकारतलें. 300 ते 500 चौ. मि. रहिवासी बांदकामा खातीर 1 हजार रुपया शुल्क आसा. 501 ते 1 हजार चौ.मि. मेरेन 3 हजार रुपया शुल्क आसतले. 1001 ते 10 हजार चौ.मि. मेरेन 3 हजार रुपया सयत फुडल्या 1 हजार चौ.मि. खातीर दरेकी 4 हजार रुपया प्रमाण फारीक करचे पडटलें.
वेवसायीक बांदकामा खातीर 1 हजार चौ.मि. मेरेन 20 हजार रुपया शुल्क भरचे पडटलें. 1 हजार चौ.मिटरा फुडें प्रती चौ.मि. 10 रुपया असो दर आसतलो. हेर इमारती खातीर 1 हजार चौ.मि. मेरेन 10 हजार रुपया शुल्क आसतलें.
राखणे वणत उबारपा खातीर 10 रुपया मिटर प्रमाण शुल्क आकारणी जातली. राखणे वणटी खातीर चडांत चड 2 हजार रुपया शुल्क आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
