भांगरभूंय | प्रतिनिधी
फ्रांंस ‘कंट्री फोकस’ देश; आठ दर्जेदार चित्रपट जातले प्रदर्शीत
पणजी : आंंतरराष्ट्रीय चित्रपट महोत्सव सुरू जावपाक आतां फक्त 13 दीस उरल्यात. प्रतिनिधी नोंंदणी सयत महोत्सवाची तयारी सुरू जाल्या. केंद्रीय म्हायती आनी प्रसारण राज्यमंंत्री डॉ. एल. मुरुगन हे आयज इफ्फी विशीं बसका घेवन तयारीचो नियाळ घेतले.
मनरिजवण संंस्थेचे अधिकारी तांंकां सादरीकरणांतल्यान इफ्फीच्या तयारीची म्हायती दितले. उपरांंत सांंजवेळार ते मुरगांव बंंदरांतल्या प्रकल्पांंची पळोवणी करतले. इफ्फीची तयारी सुरू जाल्या. कारागिरांनी कामांं सुरू केल्यांत. फाटल्या सप्तकांत मुख्यमंंत्री डॉ. प्रमोद सावंंत हांंणी इफ्फीच्या तयारी विशीं बसका घेतिल्ली.
फाटलीं दोन वर्सां कोरोनाक लागून इफ्फी मर्यादीत स्वरुपांत जाल्लो. काय कार्यावळी ओटीटी स्वरुपात जाल्यो. हे खेपे कोविडाचो धोको नाशिल्ल्यान पयलीं भशेन इफ्फी ग्लॅमरस जातलो. प्रदर्शनां सयत फिल्म बाजाराची कार्यावळ जातली. ते भायर ओपन फोरम, मास्टर क्लास हे सारख्यो कार्यावळी जातल्यो. उक्तावण आनी समारोप ताळगांवच्या डॉ. श्यामाप्रसाद मुखर्जी स्टेडियमांत जातलो.
गोंयांंत अंंदूं 20 ते 28 नोव्हेंबर ह्या काळांत 53वो चित्रपट महोत्सव जातलो. महोत्सवाचो शुभारंंभी चित्रपट अजून जाहीर जावपाचो आसा. हे खेपे फ्रांंस हो कंंट्री फोकस देश आसतलो. ह्या गटांत आठ दर्जेदार चित्रपट प्रदर्शीत जातले. अदर पीपल्स चिल्ड्रन, द क्रोसींग, बेले अॅन्ड सेबास्तियन : द नोवेले जनरेशन, बीटवीन टु वर्ल्डस, द वेलवेट क्वीन, सीक्टीन, द वॅनीश्ट प्रेसीडेंट, द ग्रीन पर्फ्युम ह्या चित्रपटांंचे प्रसारण जातलें.
नुतनीकरण जाल्ली कला अकादमी इफ्फी खातीर उपलब्ध आसतली व्हय? हे विशीं मात दुबाव कायम आसा. कला अकादमीच्या नुतनीकरणाचें काम पुराय जालांं. भायली गेट आयतारा उक्ती केली. हाका लागून कांय कार्यावळी कला अकादमींत जावप शक्य आसा. नुतनीकरण जाल्ले कला अकादमीचें उक्तावण डिसेंबरात जालें जाल्यार मात कार्यावळी जावच्यो नात. कला अकादमी विशीं आयचे बसकेंत विचार जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
