भांगरभूंय | प्रतिनिधी
‘वेस्ट टू आर्ट पार्क’ची निविदा घेतली फाटीं
भांगरभूंय I प्रतिनिधी
पणजी : जागरूक नागरिकांंच्या विरोधा उपरांंत कांंपालार भगवान महावीर उद्यानांत जावपी आर्ट पार्क प्रकल्प सरकारान रद्द केला. कोयर वेवस्थापन म्हामंंडळान 9 कोटी खर्चाची निविदा फाटीं घेतल्या. लोकांंच्या विरोधाक लागून प्रकल्प रद्द करपाचो निर्णय सरकारान घेतला, अशें कोयर वेवस्थापन मंंत्री बाबूश मोन्सेरात हांंणी सांंगलें. हेर सुवातेचेर प्रकल्प जावपाची शक्यताय न्हयकारपाक येना.
कांंपालार भगवान महावीर उद्यानांत ‘आर्ट पार्क’ उबारपाचो प्रस्ताव आशिल्लो. आयफेल टॉवर, टॉवर ऑफ पिसा, स्टॅच्यू ऑफ लिबर्टी, ताजमहाल, गेट वे ऑफ इंंडिया हांंच्यो प्रतिकृती तयार करून त्यो आर्ट पार्कांत दवरपाचो प्रस्ताव आशिल्लो. कावलांतल्यान ह्यो प्रतिकृती तयार करपाचो बेत आशिल्लो. हाचे खातीर कोयर वेवस्थापन म्हामंंडळान निविदा जारी केल्ली. ह्या प्रकल्पाक चित्रकार सुबोध केरकार हांंचे सयत पणजेच्या नागरिकांंनी विरोध केल्लो. भगवान महावीर उद्यान हो विसवा घेवपा खातीर सोबीत वाठार आसा. हांगा राज्यांतले ल्हान भुरगें तशेंच पर्यटक भेट दितात. आर्ट पार्काक लागून जागो उणो जातलो. आर्ट पार्कांत भ्रश्टाचाराचोय आरोप जातालो. आराखडो आनी अभियांंत्रिकी कामा खातीर निविदा जारी जाल्ली. निविदे खातीर 17 लाख 85 हजार 816 रुपयांंची इसारा रक्कम जमा करपाची अट आशिल्ली. ही इसारा रक्कम लेगीत परत करपाचे सरकारान थारायलांं.
कांपालार भगवान महावीर उद्यानांत जावपी प्रकल्पाक नागरिकांनी खर विरोध केल्ल्यान सरकारान हो प्रकल्प रद्द करपाचो निर्णय घेतला. ह्या प्रकल्पा खातीर म्हामंडळान अणभवी आनी तज्ञ क्युरेटराची नेमणूक करून हो प्रकल्प राबोवचो अशी मागणी नामनेचे चित्रकार सुबोध केरकार हांणी केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
