भांगरभूंय | प्रतिनिधी
चिंतन शिबिरांत मुख्यमंत्र्यान दिली पुलीस फांट्याची म्हायती
भांगरभूंय I प्रतिनिधी
पणजी : दर्यादेगांचेर गस्त दवरपाक ‘हाय स्पीड’ बोटी तशेंच आधुनीक सुरक्षा उपकरणां खातीर केंद्रा कडल्यान गोंयाक अर्थीक मजतीची गरज आसा, अशें मुख्यमंत्री डॉ. प्रमोद सावंत हांणी सांगलें. हरियाणांत जाल्ल्या चिंतन शिबिरांत उलयतना तांणी ही मागणी केली.
सुरजकूंड हरियाणांत राज्यांच्या गृहमंत्र्यांचे 27 आनी 28 ऑक्टोबर अशें दोन दीस चिंतन शिबीर जालें. राज्याचे गृहमंत्री ह्या नात्यान मुख्यमंत्री डॉ. प्रमोद सावंत हांणी ह्या शिबिरांत वांटो घेतलो. उत्तर प्रदेशाचे मुख्यमंत्री योगी आदित्यनाथ, महाराष्ट्राचे गृहमंत्री देवेंद्र फडणवीस तशेंच हेर राज्यांचे मंत्री शिबिरांत हाजीर आशिल्ले. केंद्रीय गृहमंत्री अमीत शाह हांचे अध्यक्षते खाला चिंतन शिबीर जालें.
पुलीस फांटो घटमूट करपाचे गोंय सरकाराचे यत्न आसा. पुलीस फांटो कार्यक्षम करपा सयत तो अत्याधुनीक जावपा खातीर सरकारान जी पावलां उखल्यात, ताची म्हायती मुख्यमंत्र्यान दिली. बायलांचे सुरक्षे खातीर ‘पिंक फोर्स’ सुरू केला. विदेशी नागरिकांच्या बेकायदाे राबित्या आड गोंय पुलिसांनी कारवाय सुरू केल्या. गोंय पुलिसांक अत्याधुनीक उपकरणां तशेंच हाय स्पीड गस्ती बोटीं खातीर केंद्रा कडल्यान अर्थीक मजगतीची गरज आसा, अशें मुख्यमंत्र्यान सांगलें.
आयपीसी, सीआरपीसी कायदाे दुरुस्तीचे
मसुदे संसदेंत : अमीत शाह
भारतीय दंड संहिता (आयपीसी) तशेंच फौजदारी दंड संहितेंत (सीआरपीसी) सुदारणा जावपाची गरज आसा. आयपीसी तशेंच सीआरपीसीचे सुदारीत मसुदे केंद्र सरकार संसदेंत सादर करतले, अशें केंद्रीय गृहमंत्री अमीत शाह हांणी सांगलें. चिंतन शिबिरांत उलयतना तांणी ही म्हायती दिली. आयपीसी तशेंच सीआरपीसी विशीं बऱ्योच सुचोवण्यो आयल्यात. हांचो आपूण अभ्यास करता, अशें तांणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
