भांगरभूंय | प्रतिनिधी
भाड्यान घरां दिवप्यांची जातली चवकशीः मुख्यमंत्री
भांगरभूंय I प्रतिनिधी
पणजी : गोंयांत बेकायदाे भाड्यान रावपी बांगलादेशी नागरिकांचो आंकडो व्हड आसा. जे कोण बेकायदेशीरपणान गोंयांत राबितो करून आसात तांचो सोद घेवन तांकां
परतून बांगलादेशांत धाडटलें, अशें मुख्यमंत्री
डॉ. प्रमोद सावंत हांणी सांगलें. तशेंच जे घरधनी
कागदपत्रांची तपासणी करिनासताना भाडेकरूंक दवरतात, तांचेर लेगीत कारवाय करपाची शिटकावणी मुख्यमंत्र्यान दिल्या.
पणजेत एके कार्यावळी उपरांत पत्रकारां कडेन उलयतना मुख्यमंत्री डॉ. प्रमोद सावंत हांणी ही म्हायती दिली.
सध्या 20 वयर बेकायदाे राबितो करपी बांगलादेशी मेळ्ळ्यात. पुलिसांनी भाडेकरूंची तपासणी सुरू केले उपरांत बेकायदाे रावपी बांगलादेशींचो सोद लागलो. ही सोद मोहीम सुरूच उरतली. भाडेकरूंची तपासणी करपाचे आदेश उत्तर तशेंच दक्षीण गोंय पुलीस अधिक्षकांनी दिल्या. जे कोण बांगलादेशी नागरीक बेकायदाे राबितो, तांकां सोपस्कार करून परतून बांगलादेशांत धाडटले.
राज्यांत चोरयो तशेंच गुन्यावांचें प्रमाण वाडत आसा. बरेच खेपे चोरयांनी बिगर गोंयकारांचो हात आसता. हाका लागून भाडेकरूची म्हायती पुलीस स्टेशनांत दिवप गरजेचें. घरांच्या धनयांनी कागदपत्रां सयत भाडेकरूची म्हायती लागसारच्या पुलीस स्टेशनांत दिवची, अशें आवाहन मुख्यमंत्री डॉ. प्रमोद सावंत हांणी केलां.
जे कोण घरांत भाडेकरू दवरतात, तांची म्हायती कागदपत्रां सयत लागसारच्या पुलीस स्टेशनांत दिवची, असो आदेश जिल्होधिकाऱ्यांनी हाचे पयलीं जारी केला. तरी लेगीत नागरिकां कडल्यान आदेशाक पाळो दिनात.
बेकायदाे रावपी व्यक्ती कडेन आधार कार्ड आसले तरी ताची पडताळणी जावप गरजेचें. हे विशी उलयताना मुख्यमंत्र्यांनी सांगले, आधार कार्डां खाजगी एजन्सी करतात. हाका लागून गैरप्रकार जावपाची शक्यताय न्हयकारपाक येना. केंद्रीय गृह मंत्रालयाक आपणें ही समस्या कळीत केल्या, अशें मुख्यमंत्री डॉ. प्रमोद सावंत हांणी सांगलें.
आतां मेरेन 20 बांगलादेशी ताब्यांत
गोंयांत आतां मेरेन बेकायदाे रावपी 20 बांगलादेशी मेळ्ळ्यात. पुलिसांनी भाडेकरूंची तपासणी सुरू केले उपरांत बेकायदा राबितो करपी बांगलादेशी नागरिकांचो सोद लागलो. जे कोण भाड्याक रावतात, तांची कागदपत्रां तपासून घर धनयांनी तांची म्हायती पुलिसांक दिवप सक्तीचें आसा. भाडेकरू तपास कायदो
विधानसभेंत संमत जाला. तशेंच भाड्याक रावपी मनशा कडेन गरजेचीं कागदपत्रां आसपाची सक्ती आसा. कायदो आसून लेगीत बरेच घर धनी भाडेकरूंची म्हायती पुलिसांक दिनात. ज्या घरांचे धनी भाडेकरूची म्हायती लागसारच्या पुलीस स्टेशनांत दिनात, तांचेर कायद्या प्रमाण कारवाय जातली, अशें मुख्यमंत्री डॉ. प्रमोद सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
