भांगरभूंय | प्रतिनिधी
अरविंद भाटीकार, तडकोड, कुंकळकार, सुकोर रिबेलो
हांकां कोंकणी भाशा मंडळाचे अंदूचे साहित्य पुरस्कार
भांगरभूंय । खबरां मेज
पणजीः कोंकणी भाशा मंडळान आपले 2022 वर्साचे साहित्य पुरस्कार जाहीर केल्यात. कोंकणी भाशा मंडळाचो 60वो वर्धापन दीस 30 सप्टेंबर 2022 दिसा मनयतले. मडगांवच्या गोमंत विद्यानिकेतनांत जावपी मंडळाच्या हिरक महोत्सवी वर्सा निमतान 30 सप्टेंबर आनी 1 ऑक्टोबर अशें दोन दीस कार्यावळी आयोजीत केल्यात. वर्सुकी पुरस्कार भेटवण सुवाळो 1 ऑक्टोबराक सांजेच्या 4 वरांचेर गोमंत विद्यानिकेतन, मडगांवां जातलो. हिरक महोत्सवा निमतान अंदूं मंडळ पांच सेवा पुरस्कार आनी पांच कार्यकर्ते पुरस्कार भेटयतले.
पुरस्कार फावो जाल्ले फुडले प्रमाण आसातः
सेवा पुरस्कार- मार्टिन मिनीन फर्नांडीस, गुरूदास सामंत, उदय देशप्रभू, प्रभाकर भिडे, अर्चना कामत. सॅराफीन कोता पुरस्कृत फेलिस्यु कार्दोज यादस्तीक शिक्षक पुरस्कार- कृष्णाबाय (बिना) नायक
विन्सी क्वाद्रुस पुरस्कृत जुजे पियेदाद क्वाद्रुस यादस्तीक कार्यकर्तो पुरस्कार- अपर्णा गारूडी, रेवणसिद्ध नायक, राजदीप नायक, जॉन फर्नांडीस. लिगारियो फुर्ताद ट्रस्ट पत्रकारिता पुरस्कार- प्रुन्डंड मीडिया संपादक प्रमोद आचार्य, दिनेश मणेरकार पुरस्कृत चंद्रकांत केणी यादस्तीक स्तंभलेखन पुरस्कार- मुकेश थळी. दिनेश मणेरकार पृरस्कृत रामनाथ मणेरकार यादस्तीक अणकार पुरस्कार- सुनेत्रा जोग (पुस्तक- सैनिक)
नरसिंह दामोदर नायक यादस्तीक साहित्य पुरस्कार- फा. सुकोर रिबेलो ( पुस्तक- खेळ खेळोया). रॉका बार्रेटो यादस्तीक साहित्य पुरस्कार- अरविंद भाटिकार ( पुस्तक- कर्मण्ये कादंबरी). कोंकणी भाशा मंडळ पुरस्कृत रमेश वेळुस्कार यादस्तीक साहित्य पुरस्कार- सु. म तडकोड (पुस्तक- ||कोंकणी चम्पू काव्य|| गायत्री देवी). मनोहरराय सरदेसाय यादस्तीक बाल साहित्य पुरस्कार- अविनाश कुंकळकार (पुस्तक – शेणिल्लें भुरगेप
पुरस्कार दिवपी परिक्षक मंडळः साहित्य पुरस्कारः वसंत भगवंत सावंत, डॉ. प्रकाश पर्येंकार आनी ब्र. जॉन आफोंसो. बाल साहित्य पुरस्कारः प्रशांती तळपणकार, रामनाथ गावडे आनी नयना आडारकार. सेवा पुरस्कारः नारायण मावजो, संदेश प्रभुदेसाय आनी झिलू गांवकार. कार्यकर्तो पुरस्कारः डॉ. पुर्णानंद च्यारी, सॅराफीन कोता आनी प्रशांत नायक. शिक्षक पुरस्कारः अरुणा पाटणेकार, डॉ. भूषण भावे आनी अनंत अग्नी. पत्रकारिता आनी स्तंभलेखन पुरस्कारः अनील पै, प्रकाश कामत आनी मार्कोस गोन्साल्वीस
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
