भांगरभूंय | प्रतिनिधी
बेकायदो रेंव प्रकरणांतल्यान जाल्ली फारपेट
भांगरभूंय I प्रतिनिधी
पणजीः माड-बाणसाय हांगा न्हंये पात्रांतल्यान बेकायदो रेंव काडपी मजुरांचेर फारपेट केले उपरांत एका मजुराक मरण आयिल्लें. ह्या मजुराच्या खून प्रकरणांत कुडचडें पुलिसांनी ज्योएल जॉर्व्हिस मोरायस (29) ह्या तरणाट्याक मंगळारा अटक केली.
31 ऑगस्टाक मध्यान रातीच्या सुमाराक माड-बाणसाय न्हंय पात्रांत बेकायदो रेंव काडपाक तीन मजूर होडयेंतल्यान वताले. त्याच वेळार अनवळख्यांनी तांचेर फारपेट केली. हातूंत युसूफ आलम (23) ह्या झारखंडांतल्या मजुराक मरण आयिल्लें. जाल्यार महंमद साहू (33) हो गंभीर जखमी जाल्लो. तशेंच एक मजूर वाटाविल्लो. ते उपरांत बेकायदो रेंव प्रकरणातं पुलिसांनी विजय आडेल, रामदास नायक, अमेय आडेल, योगेश अाडेल आनी विवेक नायक हांकां अटक केल्ली. जाल्यार मजुरांचेर फारपेट करप्याचो पुलीस सोद घेताले.
ह्या प्रकरणाचो तपास चालू आसतनाच 12 दिसांनी कुडचडें पुलिसांनी दुबावीत हल्लेखोर मोरायस हाका अटक केली. तशेंच ताचे आड भादंसं 302 आनी 307 कलमा खाला गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
