भांगरभूंय | प्रतिनिधी
वाळपय : भिरोंडा – सत्तरींत म्हादय न्हंयेंत बुडून गोवा वेल्हाचो रजत काणकोणकार (21 वर्सां) ह्या तरणाट्याक मरण आयलें. भिरोंडा पंचायतीच्या फाटले वटेन आशिल्ल्या न्हयेंच्या पात्रांत ही घडणूक घडली.
मेळिल्ले म्हायती प्रमाण गोवा वेल्हांतले कांय तरणाटे भिरोंडा न्हांवपा खातीर गेल्ले. दनपारां जेवण जाल्या उपरांत ते न्हंयेंत देंवलें. सांजें पांचाक सुमार रजत काणकोणक पेंयतना अकस्मात बुडलो. थळाव्यांक तो बुडटा म्हूण कळ्ळ्या उपरांत तांणी ताका वाटोवपा खातीर यत्न केलें. मात, तो मेरेन वगत जाल्लो.
घडणुकेची म्हायती मेळटात सरकारी यंत्रणा थंय पावली. कूड उदकांतल्यान भायर काडली. वाळपय पुलिसांनी पंचनामो करून कूड पोस्ट मॉर्टेमा खातीर जीएमसींत धाडली.
थळावे सांगता ते प्रमाण 2 दिसां आदी हे सुवातेर एकल्यान जीव दिल्लो. तशेंच ही न्हंय मदींच खोल आसा. पेंवपाक जमना तांणी ह्या उदकांत देंवपाक जायना. तशेंच सादारणसो पेंवपीय ह्या उदकांत घुस्पता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
