लग्नाचें उतर,व्हिडियो घालो वाऱ्यार
भांगरभूंय | प्रतिनिधी
- सोहम नायका आड आनीक एक कागाळ
- कुडचडें लैंगीक कांड
- कुडचडें लैंगीक कांड
भांगरभूंय | प्रतिनिधी
पणजी : कुडचडें लैंगीक कांड प्रकरणांत दुबावीत आरोपी सोहम नायका आड आनीक एक कागाळ नोंद जाल्या. लग्नाचें उतर दिवन लैंगीक अत्याचार केलो, तशेंच ताचें चित्रिकरण करून तो व्हिडियो सोशल मिडियाचेर घालो म्हूण एके 19 वर्सांचे तरणाटेन कागाळ केल्या. मजगतीं, गुन्यांव फांट्यान सोहमाक लैंगीक कांड प्रकरणांत दुसरे फावट अटक केल्या.
काल मंगळारा कागाळ केल्ले तरणाटेचे म्हणण्या प्रमाण सोहम नायक हाणें जुलय 2025 ते 9 मार्च 2026 ह्या काळांत ताचे कडेन इश्टागतीचे संबंद दवरले. ते उपरांत ताणें तिका केपें तालुक्यांतल्या एका घसघश्यार, तशेंच हेर सुवातांचेर व्हरून तिचेर लैंगीक अत्याचार केले. हे कर्म करतना ताणें आपल्या मोबायलाचेर चित्रिकरण करून तें सोशल मिडियाचेरूय घालें.
तिच्या कागाळीची दखल घेवन पुलीस निरिक्षक सचिन लोकरे हांणी दुबावीत आरोपी सोहम नायक हाचे आड भारतीय दंड संहितेच्या कलम 69 आनी म्हायती तंत्रज्ञान कायद्याच्या कलम 67 ए खाला गुन्यांव दाखल करून चवकशी चालू केल्या. आतां मेरेन सोहमा आड पांच गुन्यांव दाखल जाल्यात. सोहमाक आयज बुधवारा पुलीस कस्टडी खातीर न्यायालयांत हजर करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
