भांगरभूंय | प्रतिनिधी
गिमाच्या दिसांनी सुर्याचो खर उजवाड आनी घाम हाका लागून उच्च रक्तदाब, गोडेंमूत आनी थायरॉयड दुयेंतीचो धोको वाडटा. खर उश्णताय, चड घाम येवप आनी निर्जलीकरण हाका लागून कुडीचें समतोल खंडीत जाता. अमेरिकेंतल्या नॅशनल इन्स्टिट्यूट ऑफ हेल्थ हे संस्थेन केल्ल्या अभ्यासा प्रमाण चड तापमानाचो परिणाम कुडीच्या कार्डिओ-मेटाबॉलिक प्रणालीचेर जाता, जाका लागून रगतदाब, साकर पातळी आनी काळजाचेर ताण वाडूंक शकता.
१. वखदांचो परिणाम बदलूं येता
गोडेंमुताचें जाल्यार इन्सुलिनाची गरज बदलूं येता. बीपी वा काळजाच्या दुयेंस आशिल्ल्या दुयेंतींचीं डाययुरेटिक्स डिहायड्रेशन वखदां वाडूं येतात. कांय वखदांचो परिणाम गिमाच्या दिसांनी बदपाक शकता. दोतोराच्या सल्ल्यान बदल करात.
२. हायड्रेशन सांबाळप म्हत्वाचें
उणें उदक पियेल्ल्यान रगत दाट जाल्यार रगत गोठेवप, साकर आनी बीपी असंतुलीत जातात. दर दिसा २-३ लिटर उदक पियेवचें. काळजाच्या आनी मूत्रपिंडाच्या दुयेंतींनी उदकाच्या प्रमाणा विशीं दोतोराचो सल्लो घेवचो.
३. ह्या दिसांनी सक्रिय रावचें
सकाळीं वा सांजवेळार व्यायाम करात. सकाळीं १० ते सांजे ४ मजगतीं सुर्याक भायर सरप टाळचें आनी कुडीक हायड्रेटेड दवरचें. हलके आनी सुटसुटीत कपडे घालचे. जाम पडल्यार रोखडेंच बंद करीत.
४. ह्या लक्षणां कडेन आडनदर करचे न्हय
चड थकप, चक्कर येवप, तकली दुखप, उलटी जावप, स्नायूंक मिरमिरप, भ्रम, चड तान वा रगतांतली साकर अचकीत वाडप वा उणी जावप, स्वास घेवपाक त्रास जावप, छातींत दुखप आनी काळजाची धडधड नेटान जावप अशा लक्षणां कडेन आडनदर करचें न्हय. गिमाच्या दिसांनी भलायकेची जतनाय घेयात.
५. तुमच्या आहारांत हे गरजेचे बदल करात
रसाळ फळां आनी भाजी जशें काळींग, तवशें खावचें. ह्या दिसांनी हळदुवें आनी उणें खावप बरें. केळीं सारकिल्लीं पोटॅशियम भरपूर आशिल्लीं खाणां खावचीं. तळिल्लें-भाजलेलें, तिखट, गोड आनी च्या-कॉफी टाळचें. दनपारां १:३० मेरेन आनी ८:३० मेरेन जेवचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
