भांगरभूंय | प्रतिनिधी
पणजी : एलपीजी सिलिंडर बुकींग करून व्हरचो. एजन्सीच्या कार्यालयांत येवन गर्दी करपाची गरज ना अशें नागरी पुरवण खात्यान कळीत केलां. ऑनलायन बुकींग केले बगर कोणाकूच एलपीजी सिलिंडर मेळचो ना असो आदेश जारी जाला. तशेच सिलिंडराचो काळाे बाजार जाता जाल्यार कारवाय करपा खातीर सरकारान यंत्रणा तयार केल्या.
नागरी पुरवण खात्यान दरेका म्हालांत अधिकाऱ्याची नेमणूक केल्या. काळाे बाजार कोण करता आसत जाल्यार ताचे आड म्हालाच्या कार्यालयांत कागाळ करची. दरेका म्हालांत कागाळ नोंद करून कारवाय करपा खातीर अधिकाऱ्याची नेमणूक केल्या.
ऑनलायन बुकींग केले उपरांत एलपीजी सिलिंडर 25 दिसा उपरांत मेळटलो. वेवसायीक सिलिंडर कोट्याच्या 20 टक्के मेळटलो. उद्देगीक सिलिंडराचेर मात बंदी आसा. तशेंच जांचे कडेन पायपड सिलिंडराची जोडणी आसा तांकां सिलिंडर भरून मेळचो ना, अशें पेत्रोलियम मंत्रालयान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
