भांगरभूंय | प्रतिनिधी
पणजीः इतिहासकार आनी विदेश धोरण विश्लेशक नारायणी बासू हांचे शेनवारा 13 डिसेंबराक सांजवेळा 6 वरांचेर इंटरनॅशनल केंद्र गोंयांत व्याख्यान आसतले. आयसीजीच्या ‘रायटर्स स्टुडिओ’ उपक्रमां खाला आयोजीत केल्ली ही कार्यावळ मुफत आनी सगळ्यां खातीर उक्ती आसा.
नारायणी बासू हाच्या सद्याच्या संशोधनांत भारतीय स्वातंत्र्य संघर्शांतल्या उण्या प्रमाणांत वळखूंक येवपी पूण चड म्हत्वाच्या व्यक्तींचेर उजवाड घालपाचेर भर दिला.
ह्या उपक्रमाचो एक भाग म्हूण तिणें 2020 त भारताचे निमाणे रिफॉर्म्स कमिशनर व्ही. पी. मेनन यांचे चरित्र प्रकाशीत केले.
2021 वर्सा नारायणी हांणी Ambassador हो लेख बरयलो. भारतांतली पयली बायल राजनैतीक सी. बी. मुथम्मा हाच्या वावराचेर आदारिल्ली आसा. भारतीय परराश्ट्र सेवेंत मुतम्मान बायलांच्या हक्का खातीर केल्ल्या झुजाक लागून निरुपमा मेनन राव सारक्या जायत्या बायलां अधिकाऱ्यांक मुखार येवपाची वाट मेकळी जाली.
2022 वर्सा तिणें एलेजीयन्स: आझादी अँड द एन्ड ऑफ एम्पायर हें ई-बुक बरयलें, तातूंत नेताजी सुभाष चंद्र बोसाच्या आयएनए अधिकाऱ्यांच्या शाह नवाज खान, गुरबक्ष सिंग ढिलोन आनी प्रेम कुमार सहगल हांच्या 1945 वर्सा तांबड्या किल्ल्यांतल्या देशद्रोहाच्या खटल्याची तपासणी केल्या.
हालींच नारायणी बासून सरदार के.एम.पण्णीक्कर हाचें चरित्र ‘अ मॅन फॉर ऑल सीझन्स: द लायफ ऑफ के.एम. पाणिक्कर हांणी केला. 1948 वर्सा चीनांतल्या राष्ट्रवादी सरकारांत पणिक्कर हो भारताचो पयलो राजदूत आशिल्लो.भारताच्या संघराज्य मॉडेलाचो शिल्पकार आनी स्वातंत्र्या उपरांत भारताच्या दर्यावेल्या धोरणाचो एक खांबो म्हणून ताचें योगदान म्हत्वाचें मानतात.
इतिहास, राजकारण आनी परराश्ट्रीय धोरण ह्या विशयांचेर नारायणी बासूची बरपावळ भारतीय आनी आंतरराश्ट्रीय माध्यमांनी नेमान उजवाडाक येता. हिंदुस्तान टाइम्स, इंडियन एक्सप्रेस, स्क्रोल, कॉन्टींजेंट मॅगझीन, द वायर ह्या प्रकाशनांनी तिचीं हालींच्या काळांतलीं बरपावळीं आयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
