भांगरभूंय | प्रतिनिधी
सेवा पंधरवड्या निमतान जिल्लो प्रशासनाचो उपक्रम
मडगांव : दक्षीण गोंय जिल्लोधिकारी एग्ना क्लिटस हांचे अध्यक्षते खाला सेवा पंधरवड्याचो भाग म्हणून दक्षीण गोंय जिल्लो पांवड्यार समितीची बसका जाली. हातूंत रान हक्क कायद्या खाला सांगें म्हालांतल्या वट्ट 89 दावे निकालांत काडले.
दक्षीण गोंय जिल्लोधिकारू कार्यालयांतूय सेवा पंधरवड्याच्या निमतान जनतेच्या आडकून उरिल्ल्या प्रकरणांचेर निकाल दिवपाचो उपक्रम हातांत घेतला. जिल्लो प्रशासनाच्या सेवा ह्या नागरीक केंद्रीत सेवा आसतात. ह्या सेवा तांकां बेगोबेग मेळच्यो आनी आडकून उरिल्ले अर्ज आनी दावे निकालांत काडचे ह्या हेतान सेवा पंधरवड्यांत कार्यावळीचें आयोजन करता.
जनतेच्या हक्कांचें संरक्षण!
जनतेच्या हक्कांचें संरक्षण करतनाच प्रशासनांत बळीश्ट करपाच्या हेतान बिरेस्तारा रान हक्क कायद्यां खाला आडकल्ल्या दाव्यांचेर दक्षीण गोंय जिल्लोधिकारी एग्ना क्लिटस हांचे अध्यक्षतेखाला जिल्लो पांवड्यार समितीची बसका घेतली. हे बसकेंत सांगें म्हालांतल्यान 89 दावे निकालांत काडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
