भांगरभूंय | प्रतिनिधी
पयल्या, दुसऱ्या क्रमांकाचेर सिक्कीम आनी गोंय
नवी दिल्ली ः देशांतल्या गिरेस्त राज्यां/ केंद्र शासित प्रदेशां मदीं दिल्लीन आपली सुवात कायम दवरल्या. हालींच जाहीर जाल्ल्या अहवाला प्रमाण आतां राजधानी दिल्लीच्या दर मनशाची येणावळ (पर कॅपिटा इन्कम) 4.93 लाख रुपया मेरेन पावल्या. ताका लागून ती दुसरे सुवातेर पावल्या. गोंयचे ताजे आंकडे अजून जाहीर जावंक नात. गोंय दुसऱ्या क्रमांकाचेर आसलें तरी दिल्लीची सुवात पयल्या 3 राज्यां/ केंद्रशासीत प्रदेशांत उरपाची आसा. दिल्ली सरकारान हो अहवाल तयार केला.
पयल्या क्रमांकाचेर आशिल्ल्या सिक्किम आनी दुसऱ्या क्रमांका वयल्या गोंय ह्या दोनूय राज्यांची लोकसंख्या दिल्ली परस खूबच उणी आसा. उद्देगीकीकरण जाल्लीं कर्नाटक, तमिळनाडू, महाराष्ट्र सारकिल्लीं राज्यां हे वळेरेंत खूब फाटीं आसात.
देशाच्या एकंदर वट्ट घरगुती उत्पादनांत (जीडीपी) दिल्ली 11वे सुवातेर आसा. केरळ, हरियाणा, बिहार, ओडिशा, पंजाब आनी आसाम हांचे परस ताची अर्थवेवस्था व्हड आसा.
दिल्लीच्या चड उत्पन्नाक दोन मुखेल कारणां दिल्यांत – एक लोकसंख्या आनी अर्थीक कार्यावळीचें प्रमाण आनी दुसरें ताची सेवा आदारीत अर्थवेवस्था, जी प्रगत देशां सारकीच आसा.
देशाच्या जीडीपींत दिल्लीचो वाटो 2011-12 वर्सा 3.9% आशिल्लो. 2013-14 इस्वेंत तो 4% मेरेन वाडलो; पूण आतां तें 3.7% मेरेन देंवलां. देशभरांतल्यान स्थलांतरीत लोकांचो आंकडो वाडलो तरी दिल्लीची लोकसंख्या अपेक्षा केल्ले प्रमाण वाडूंक ना.
शेतकी वा प्राथमीक क्षेत्राचो वाटो 2011-12 वर्सा 3.5% आशिल्लो, जो आतां 1% परस उणो जाला. उत्पादन क्षेत्राचो वाटो सुमार 13% स्थीर उरला; पूण सेवा क्षेत्राचो वाटो 83.4 टक्क्यां वयल्यान 86.6% जाला.
सिक्कीम 5.9 लाख वर्साक, दिल्ली 4.9, गोंय 4.9, छत्तीसगढ 4, तेलंगण 3.6, कर्नाटक 3.3, हरियाणा 3.3, तामिळनाडू 3.2.
जीएसडीपी
महाराष्ट्र 40.4
तामिळनाडू 27.2
उत्तर प्रदेश 25.5
कर्नाटक 25
गुजरात 22
अस्तंत बंगाल 17
दिल्ली 12.2
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
