भांगरभूंय | प्रतिनिधी
दर वाडोवपाची फार्मा इंडस्ट्रीची मागणी
नवी दिल्ली, खबरां संस्था ः आतां 1 एप्रीला सावन गरजेच्या वखदांचो दर वाडटलो. हातूंत वेदनाशामक वखदां (Painkillers) आनी प्रतिजैव (Antibiotics) वखदां सयत हेर वखदांचो आस्पाव आसा. सुमार 800 परस चड वखदांचो दर वाडपाची शक्यताय आसा. वर्सुकी घाऊक किंमत निर्देशांक (डब्ल्यूपीआय) प्रमाण दर वाडपाक सरकारा कडल्यान अनुकूल मान्यताय मेळूं येता. कच्चे मालाचो खर्च वाडिल्ल्यान फार्मा इंडस्ट्री वखदांचो दर वाडोवपाची मागणी करता.
डब्ल्यूपीआय प्रमाण केंद्र सरकार .0055 टक्क्यां मेरेन दर वाडोवपाक मंजुरी दिवपाचे आसा. राष्ट्रीय गरजेच्या वखदां वळेरे (National List of Essential Medicines) खाला फाटल्या वर्सा आनी 2022 वर्सा वखदां दरांत विक्रमी 12% आनी 10% वाड जाल्या. सरकाराच्या ह्या निर्णयाक लागून जायत्या गरजेच्या वखदांचो दर वाडला. तयार केल्ल्या राष्ट्रीय गरजेच्या वखदां वळेरेंत 800 परस चड वखदांचो आस्पाव आसा. नेमा प्रमाण वर्साक एक फावट नियोजीत वखदांचो दर बदलपाक मेळटा.
गरजेच्या वखदांच्या वळेरेंत चड वापरांत येवपी वखदांचो आस्पाव जाता. ह्या वखदांचो दर सरकाराचें नियंत्रणांत आसता. कंपनी ह्या वखदांचो दर एका वर्सात फकत 10 टक्क्यांनी वाडोवंक शकता. आनी ते सरकाराचे परवानगेन वाडटा. ह्या वखदां मदीं कांय कॅन्सराआड वखदांचोय आस्पाव आसा.
ह्या वखदांचो दर वाडटलो…
गरजेच्या वखदांचे वळेरेंत पॅरासिटामॉल, ॲझिथ्रोमायसिन अँटीबायोटिक्स, ॲनिमिया वखदां, जीवनसत्वां आनी खनिजां सारकिल्लीं वखदां आसात. कोविड-19 दुयेंतींचेर उपचार करपाक वापरिल्लीं वखदां, स्टेरॉईडच हांचोय आस्पाव हे वळेरेंत केला. ह्या वखदांचो दर कांय प्रमाणांत वाडोवपाची मागणी फार्मा इंडस्ट्रीन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
