8 म्हयन्यांत 2815 कोटी जीएसटी संकलन
भांगरभूंय | प्रतिनिधी
पोरूंचे तुळेंत 9.52 टक्के वाड, पोरूं 2570 कोटींची येणावळ
भांगरभूंय । प्रतिनिधी
पणजी : गोंयांत एप्रील ते नोव्हेंबर ह्या 8 म्हयन्यांत 2815 कोटींची जीएसटी येणावळ एकठांय जाल्या. पोरूं (2023 – 24) एप्रील ते नोव्हेंबर ह्या 8 म्हयन्यांत 2570 कोटींची जीएसटी येणावळ एकठांय जाल्ली. पोरूंचे तुळेंत अंदूं 8 म्हयन्यांत 245 कोटींची चड येणावळ एकठांय जाल्या. हें प्रमाण 9.52 टक्के चड आसा. हातूंत राज्यांतर्गंत जीएसटी (एसजीएसटी) आनी आंतरराज्य जीएसटी (आयजीएसटी) ह्या दोगांचोय आस्पाव आसा.
मे आनी जून हे दोन म्हयने सोडले जाल्यार दरेकी म्हयन्यांत पोरूं परस अंदूं जीएसटीचें प्रमाण वाडलां. मे 2023 च्या तुळेंत मे 2024 त जीएसटीचें प्रमाण 0.05 टक्के उणें जाले. जून 2023 चे तुळेंत जून 2024 त जीएसटीचें प्रमाण 7.67 टकक्यांनी उणें जालां. मे आनी जून सोडून हेर सगळ्या म्हयन्यांनी पोरूं परस अंदूं जीएसटीचें प्रमाण चड आसा. अंदूंच्या सप्टेंबरांत जीएसटीचें प्रमाण सगळ्यांत चड म्हणल्यार 26.10 टक्के जाल्यार नोव्हेंबरांत 24.95 टक्के चड आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
