भांगरभूंय | प्रतिनिधी
किरातपुरा – राजस्थानांत 3 वर्सांचे चलयेक मरण
किरातपुरा, खबरां संस्था : राजस्थानांतल्या कोटपुतली जिल्ह्यांतल्या किरातपुरा गांवांत 8 दिसां पयलीं 700 फूट खोल बोअरवॅलांत पडिल्ल्या तीन वर्सां पिरायेच्या ल्हान चलयेक भायर काडले उपरांत थोड्याच वेळांत मरण आयलें. 23 डिसेंबराक खेळटना चेतना नांवांचे तें चली बोरवॅलांत पडिल्लें. ह्या आठ दिसांत ते चलयेक भायर काडपाक दीस – रात यत्न सुरू आशिल्लें. बुधवारा ते चलयेक भायर काडपाक येस आयलें. भायर काडना फुडें ताका ताकतिकेन वैजकी उपचारा खातीर लागींच्या हॉस्पिटलांत व्हेलें. तपासणी वेळार तिका मरण आयिल्ल्याचें दिसून आयलें अशें हॉस्पिटलाच्या अधिकाऱ्यांनी सांगलें. .
हॉस्पिटलाचे वैजकी अधिकारी डॉ. चेतन्या रावत हांणी सांगलें, चलयेक हाडून ताकतिकेन आपत्कालीन कक्षांत व्हेली, थंय तपासणी खातीर खाशेली खाट उबारिल्ली. दोतोरांनी प्रक्रिया केल्या उपरांत तांणी भुरगें जिवें ना हाची खात्री केली. उपरांत कूड मॉर्गांत धाडली. जिल्होधिकाऱ्याच्या आदेशा प्रमाण पोस्टमॉर्टम तपासणी पुराय जाल्या.”
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
