भांगरभूंय | प्रतिनिधी
भांगरभूंय । प्रतिनिधी
पणजीः नारी फॅशन हावस वतीन नारी उत्सव 2023 हे अखील गोंय णव वारी सर्तीचें आयोजन केलां. ही सर्त 8 एप्रिलाक दनपारां 3 वरांचेर वास्कोच्या रवींद्र भवनांत जातली.
सर्ती खातीर ऑडिशन चांचणी 1 एप्रिलाल वास्को आनी 2 एप्रिलाक मडगांवांत जातली. नारी फॅशन हावसाची सुविना मांजरेकार हिच्या संकल्पनेंतल्यान ही सर्त आयोजीत केल्या. बायलांक माची मेळची तशेंच तांच्या आत्मविस्वास वाडोवपाच्या हेतान ही सर्त दर वर्सा आयोजीत करतात. णव वारी साडी ही आमची परंपरा आसा आनी ती तिगोवप गरजेचें आसा अशें सुविना हिणे सांगलें. सर्तींत वांटो घेवपी बायलांक णव वारी साडी न्हेसून रॅम्प वॉक करून स्वताची म्हायती दिवची पडटली. तशेंच दोन मिनटांची बुद्धिमत्ता चांचणी जातली.
सर्तींत पयलो नंबर मेळोवपी सर्तकाक 5 हजार रुपयाचें व्हावचर, दुसऱ्या नंबराचें बायलेक 3 हजार आनी दोन नंबर मेळोवपी बायलेक 2 हजारांचो व्हावचर दितले. उत्कृश्ठ वेशभुशा, रॅम्प वॉक हे खातीर खासा इनामां दितले. सर्तीत वांटो घेवपाची 27 मार्च ही निमणी तारीक आसा. सर्तींत वांटो घेवपा खातीर 9353828929 आनी 9146131850 ह्या मोबायल नंबरांचेर सर्पक सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
