भांगरभूंय | प्रतिनिधी
पणजीः आखाती (गल्फ) देशांनी सात हजार गोंयाकारांनी स्थलांतर केला आनी स देशांनी ते काम करतात. गोंयकारा सयत हेर देशांतल्या स्थलांतर केल्ल्या भारतीयांक आखाती देशांनी सुरक्षा आनी भलायकी दिवपा खातीर भारत सरकारान विविध येवजण्यो राबयल्यात, अशी म्हायती केंद्रीय परराश्ट्र वेव्हार राज्य मंत्री किर्ती वर्धन सिंह हांणी दिली.
राज्यसभेच्या पटलार लेखी जाप दितना किर्ती वर्धन सिंह हांणी सांगलें, आखाती देशांनी भारतीय सुरक्षा, राखण आनी भलयाकी दिवपा खातीर भारत सरकार उच्च प्राधान्य दिता. सरकारान विविध उपक्रम जशे प्रवासी भारतीय बिमा येवजण आनी प्रस्थान जावचे पयलीची दिशा आनी प्रशिक्षण चालिक लायता. जाका लागून स्थलांतरीत जाल्लो भारतीय कामागार सुरक्षित रितीन स्थलांतर जावपाक मजत जातली, भायल्या राज्यांत वेवस्थीत रावपाची आनी काम करपाची सुविधा मेळटली तशेच तांका तांचे हक्क आनी सरकाराच्या विविध कल्याणकारी येवजण्यांची म्हायती मेळटली.
वर्स 2006-07 ते जून 2025 मेरेन प्रवासी भारतीय बिमा येवजणे खाला 83.88 लाख भारतीय नोंद जाल्या आनी हातूंत 7087 इतले गोंयकार आसात. ओमान, कतार, कुवेट, सावदी अरबिया, बाहरीन आनी संयुक्त अरब आमिरात (युएई) ह्या देशांत गोंयकारांनी कामां खातीर स्थलांतर केलां. हाचे भायर थंय केरळ आनी हेर कडलेय हजारांनी भारतीय आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
